इलाम २ उपनिर्वाचनमा नेकपा एमालेका उम्मेदवार सुहाङ नेम्वाङले ५ हजार मतको अग्रता लिएका छन् ।

जारी मतगणनामा नेम्वाङले १३ हजार ९०० मत ल्याउँदै ४ हजार ९८६ मतान्तरले अग्रता लिएका हुन् । 

कांग्रेसका डम्बरबहादुर खड्काले ८ हजार ९१४ मत प्राप्त गरेका छन् । 

तेस्रो स्थानमा हरेका स्वतन्त्रका डकेन्द्रसिंह थेगिम लिम्बू ८ हजार २८५ मत प्राप्त गरेका छन् ।

मतगणनामा निरन्तर चौथो स्थानमा रहेका रास्वपाका मिलन लिम्बूले १ हजार ९४५ मत प्राप्त गरेका छन् । 

यो ३४ हजार २६ सदर मतको परिणाम हो । 

६९ हजार २८७ मत खसेकोमा अझै ३४ हजार हाराहारी मतगणना गर्न बाँकी छ । बाँकी मतमा पनि यही अनुपातमा मत ल्याए इलाम २ मा रास्वपाको जमानत जफत हुनेछ ।

सदर मतको १० प्रतिशत मत प्राप्त नगरे जमानत जफत हुनेछ । 

अझै देउमाई नगरपालिकाका ९ वटा र इलाम नगरपालिकाका ११ वटा वडाको मत गणना गर्न बाँकी रहेको निर्वाचन आयोगले जनाएको छ ।