मंगलबार १३५ औं अन्तर्राष्ट्रिय श्रमिक दिवसको अवसरमा नेपाल कम्युनिस्ट पार्टीका महासचिव नेत्रविक्रम चन्द विप्लव गहुँ काट्न ललितपुरस्थित हरिसिद्धि पुगेका छन् । पार्टीले  सञ्चालन गरिरहेको कृषि केन्द्रमा लगाइएको गहुँ काटेर उनले दिवसको सन्देश दिएको केन्द्रीय प्रचार विभागका सदस्य प्रकाश डुम्रेले बताए ।

यअघि पनि प्रायः विप्लव खेतीपाती र कृषि कर्ममा व्यस्त भइरहने नेताको रुपमा स्थापित छन् । पार्टीले सञ्चालन गरेको उत्पादन अभियानमार्फत

विभिन्न समयमा खेतीपातीमा देखिरहेका विप्लवले श्रमिक दिवसको अवसरमा नेता–कार्यकर्तासँगै गहुँ काटेर श्रमिक दिवसको शुभकामना दिएको बताइएको छ । विप्लवले नेपाल तथा विश्वभरिका श्रमिकहरूलाई गहुँ खेतबाटै शुभकामना दिएका हुन् ।

विप्लवले विश्वमा श्रमिकहरूको महत्व बढ्दै गएको बताउँदै श्रमिक र पुँजीपति वर्गबीचको खाडल साँघुरो बनाउँदै लैजानुपर्ने बताए ।

पुँजीवादी वर्गले विश्व राजनीतिमा दादागिरी र हतियार प्रदर्शन गरिरहेको बताउँदै उनले त्यसको प्रतिरोध श्रमिक वर्गले गर्नेका जोड दिए ।