नेपाली क्रिकेट टीमका कप्तान रोहित पौडेलले 'वेस्टइन्डिज ए'विरुद्ध लगातार तेस्रो खेलमा ५० रनको आँकडा पार गरेका छन् । 

कीर्तिपुरस्थित टीयू मैदानमा भएको चौथो टी-ट्वान्टीमा रोहितले ३४ बलमा ६ चौका र २ छक्काको मद्दतले ५० रनको आँकडा पार गरेका हुन् ।

पहिलोमा ११२ रनको पारी खेलेका रोहितले दोस्रो खेलमा अविजित ७१ रन जोडेका थिए । तेस्रो खेलमा भने उनलाई आराम दिइएको थियो ।

अन्य ब्याटर लगातार फ्लप भइरहँदा रोहितले उत्कृष्ट प्रदर्शन गर्दै आएका हुन् ।

नेपालले विश्वकप तयारीका लागि 'वेस्टइन्डिज ए'सँग ५ खेलको शृंखला खेलिरहेको हो । शृंखलामा नेपाल २/१ले पछाडि छ ।