लखनऊविरुद्ध हैदराबादको सानदार जीत, १० ओभरमै भेट्टायो १६६ रनको लक्ष्य

इन्डियन प्रिमियर लिग (आइपीएल) क्रिकेटमा सनराइजर्स हैदराबादले लखनउ सुपर जाइन्ट्सलाई हराएको छ । गएराति सम्पन्न खेलमा हैदराबादले विष्फोटक ब्याटिङ गर्दै लखनऊविरुद्ध १० विकेटको सानदार जीत निकालेको हो ।  

लखनऊले दिएको १६६ रनको लक्ष्य हैदराबादले कुनै पनि विकेट नगुमाई १० ओभरमै पूरा गर्‍यो । हैदराबादले ९.४ ओभरमै निर्धारित लक्ष्य भेट्टाएको हो । ​

हैदरावादका ओपनर ट्राभिस हेड र अभिषेक शर्माले नटआउट सानदार इनिङ्स खेले । हेडले ३० बलमा ८९ रन बनाउँदा अभिषेक शर्माले २८ बलमा ७५ रन बनाए ।

त्यसअघि टस जितेर पहिले ब्याटिङ गरेको लखनउले २० ओभरमा ४ विकेट गुमाएर १६५ रन बनाएको थियो । 

हैदरावाद १२ खेलबाट १४ अंक जोडेर लिग तालिकाको तेस्रो स्थानमा उक्लिएको छ । कोलकाता नाइट राइडर्स र राजस्थान रोयल्स १६–१६ अंकका साथ पहिलो र दोस्रो स्थानमा छन् ।