चितवनको भरतपुर महानगरले सडकको धूलो सफा गर्नका लागि ब्रुमर भित्र्याएको छ ।

मेयर रेनु दाहालले निर्माण सम्पन्न भएका मुख्य सडकमा ब्रुमर चलाइने बताएकी छिन् ।

‘निर्माण सम्पन्न भएका मुख्य सडकहरूमा महानगरले अब यसरी नै सडकको सरसफाइ लाई ध्यान दिनेछ, भरतपुरलाई हामी स्वच्छ सफा हराभरा महानगर बनाउनेछौं’, ब्रुमरका तस्वीर राख्दै उनले लेखेकी छिन् ।

नारायणगढको मुख्य बजार क्षेत्रमा भने खपिनसक्नु धूलो छ ।

भत्काइएको सडक समयमा नबन्दा बजार क्षेत्रमा खपिनसक्नु धूलो भएको स्थानीयले गुनासो गर्ने गरेका छन् ।

यसअघि काठमाडौं र ललितपुर महानगरले सडकमा ब्रुमर चलाए पनि काठमाडौंमा धूलो नियन्त्रण हुन सकेको छैन ।