फागुन २१, २०७९
कर्मचारीलाई तलब खुवाउन समेत हम्मेहम्मे पर्नेगरी देशको अर्थतन्त्र जर्जर अवस्थामा चलिरहेको छ । कोरोना महामारी र युक्रेन युद्धबाट सिर्जित समस्याका कारण अर्थतन्त्र लामो समयदेखि शिथिल छ । बजार चलायमान बन्न सकेको छ...
यातायात व्यवसायलाई सीमित व्यवसायीहरूको नियन्त्रणमा रहन दिने वर्षौं पुरानो परिपाटीलाई अन्त्य गरी स्वस्थ प्रतिस्पर्धाका लागि ढोका खोलिदिने गरी मङ्गलवार मन्त्रिपरिषद्ले निर्णय गरेको बेहोरा सार्वजनिक भएको छ । यो स्वागतयोग्य कदम हो ।
देशभरमा दिनहुँ लाखौं यात्रुहरूलाई सेवा पुर्याउने व्यवसायमा रहेका लगानीकर्ताहरूले साविकमा २०३४ सालको ऐन अनुसार संघ, संस्थाको रूपमा दर्ता गरेर जिल्ला प्रशासन कार्यालयबाट नवीकरण गरी व्यवसाय सञ्चालन गर्दै आएका थिए । नयाँ सरकारी निर्णयबाट अब यसमा रोक लागेको छ । आइन्दा यातायात व्यवसायलाई व्यवस्थित गर्ने कामको जिम्मा कम्पनी रजिष्ट्रारको कार्यालय र सम्बन्धित मन्त्रालयका निकायमा सरेको छ ।
यातायात व्यवसायलाई लगानीकर्ताहरूको सानो समूहको एकाधिकारमा रहन दिने साविकको प्रचलनले स्वस्थ प्रतिस्पर्धामा अवरोध गराएको थियो । यात्रुहरूले पनि असुविधा र असुरक्षा बेहोर्दै थोत्रा र समयमा मर्मतसंभार नगरिएका साधनहरूबाट यात्रा गरिरहनु परेको थियो । आफूले रोजेको बसमा चढी गन्तव्यमा पुग्न पाउने उपभोक्ताको हक कुण्ठित हुन पुगेको थियो । यता, नाफा कमाउने व्यवसाय सञ्चालन गर्नेहरूले राज्यकोषमा कति कर दाखिल गर्थे त्यसको हिसाब-किताब स्पष्ट भएको बुझिएन ।
मन्त्रिपरिषद्को ताजा निर्णयले एकाधिकारको शैलीमा ‘सिण्डिकेट’ कायम राख्ने बानी परेकाहरूलाई झस्काएको देखिन्छ । र, तीमध्ये केही सेवाबन्द गरी हडतालमा जाने तयारीमा रहेको खबर प्रवाह भएको छ । तर सरकारले त्यसो गरेमा कडा कारवाहीमा जाने सही नीति अख्तियार गरेको देखिन्छ । यस नीतिले जनसमर्थन पाउने कुरा निर्विवाद छ । साथै, सर्वोच्च अदालतबाट २०६७ साल माघमा सिण्डिकेट र कार्टेलिङ् जस्ता एकाधिकार राख्न नपाइने भनेर गरेको आदेशबाट अहिलेको सरकारी निर्णयले वैधानिक आधार प्राप्त गर्दछ । र, सिण्डिकेट तोड्ने कार्यलाई दृढताका साथ कार्यान्वयन गरिएमा राजस्वको दायरा पनि फराकिलो हुनेछ किनभने नाफामूलक व्यवसाय चलाउने व्यक्ति र समूहले नियमित रूपमा कर दस्तुर तिर्नु अनिवार्य दायित्व हो ।
सरकारको अहिलेको अठोट सह्रनीयोग्य भए पनि कार्यान्वयनलाई बलियो आधार प्रदान गर्ने अनुगमनकारी संयन्त्रको प्रबन्ध नभएसम्म जनसाधारण ढुक्क हुन सक्दैनन् । तसर्थ सरोकारवाला निकायहरूले समन्वयको यथोचित व्यवस्था गर्न ढिलो गर्नु हुँदैन ।
कर्मचारीलाई तलब खुवाउन समेत हम्मेहम्मे पर्नेगरी देशको अर्थतन्त्र जर्जर अवस्थामा चलिरहेको छ । कोरोना महामारी र युक्रेन युद्धबाट सिर्जित समस्याका कारण अर्थतन्त्र लामो समयदेखि शिथिल छ । बजार चलायमान बन्न सकेको छ...
काठमाडौं जिल्ला अदालतको एक आदेशका कारण बाँसबारी छालाजुत्ता कारखानाको सरकारी जग्गा घोटाला प्रकरणको अनुसन्धान यत्तिकै रोकिने हो कि भन्ने चिन्ता बढेको छ । जग्गा हिनामिनाबारे नेपाल प्रहरीको केन्द्रीय अनुसन्धान ब्...
प्रतिनिधिसभाको पहिलो अधिवेशनमा नेता/सांसदको हाजिरी लोकान्तर डट्कमले सार्वजनिक गरिदिएपछि नेताहरूको जवाफदेहिताको बहस शुरू भएको छ । जनप्रतिनिधिको सर्वोच्च थलो संसद्मा ठूला भनिएका दलका शीर्ष न...
काकाकुल काठमाडौंको सपना र विकासको विद्रूप नमूना बनेको मेलम्ची खानेपानी आयोजना फेरि एकपटक उद्घाटन गरिएको छ । सिंहदरबारस्थित प्रधानमन्त्री कार्यालयमा बनाइएको धारो खोलेर प्रधानमन्त्री पुष्पकमल दाहाल ‘प्रच...
लामो समयको गृहकार्य र बहसपछि नेपाल आयल निगमले असार ३१ गते मध्यरातदेखि इन्धनको स्वचालित मूल्य प्रणाली कार्यान्वयनमा ल्याएको छ । स्वचालित प्रणाली कार्यान्वयनमा आएसँगै देशभर इन्धनको मूल्य घटेको छ । सर्वसाधार...
संघीयताप्रति नै वितृष्णा जगाउने गरी कोशी प्रदेशसभामा भइरहेको संविधानको खेलबाडमाथि सर्वोच्चले रोक लगाइदिएको छ । मुख्यमन्त्रीका रूपमा कांग्रेस संसदीय दलका नेता उद्धव थापाले प्रदेश सभामा लिएको विश्वासको मतसम्बन्...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...