काठमाडौं, २३ असार– २८ वर्षपछि इङ्ल्याण्ड विश्वकपको सेमिफाइनलमा प्रवेश गरेको छ । सन् १९६६ को विश्वविजेता  इङ्ल्याण्ड त्यसपछि  सन् १९९० मा इटालीमा भएको विश्वकपमा इङ्ल्याण्ड सेमिफाइनलसम्म पुगेको थियो । त्यतिबेला इङ्ल्याण्ड जर्मनीसँग पेनाल्टी सुटआउटमा ४–३ ले पराजित भएको थियो । त्यसपछि सन् २००६ मा इङ्ल्याण्ड क्वाटरफाइनलसम्म पुगेपनि पोर्चुगलसँग पेनाल्टी सुटआउटमै पराजित बनेको थियो । 

प्रतियोगिताको  दाबेदारको रुपमा मानिएपनि असफल हुँदै आएको इङ्ल्याण्ड २८ वर्षपछिमात्रै अन्तिम ४ मा  आफ्नो स्थान सुरक्षित बनाउन सफल  बन्यो । इङ्ल्याण्डले शनिबार राती सम्पन्न खेलमा  स्वीडेनलाई २–० गोल अन्तरले पराजित गर्दै अन्तिम ४ मा आफ्नो स्थान सुरक्षित गरेको हो । 

रसियाको सामरा एरिना रंगशालामा सम्पन्न खेलमा इङ्ल्याण्डका खेलाडी ह्यारी माग्युरीले ३० औं मिनेटमा पहिलो गोल गरे ।  फरवार्ड योङ्गले दिएको पासलाई सदुपयोग गर्दै उनले बललाई जाली चुमाए । 

यसैगरी खेलको लिंगडको पासमा दाली अलीले दोस्रो गोल गरे । उनले खेलको ५८ औं मिनेटमा गोल गरेका हुन् । स्वीडेनले  पनि इङ्ल्याण्ड विरुद्ध गोल गर्ने केहि सुन्दर मौका गुमाउन पुग्दा क्वाटर फाइनबाटै घर फर्किन बाध्य बन्यो ।

   अन्तिम ४ मा स्थान सुरक्षित गरेको इङ्ल्याण्डले अब सेमिफाइनलमा रसिया र क्रोएसियाबीचको विजेतासँग प्रतिस्पर्धा गर्नेछ ।