कात्तिक २२, २०८०
अख्तियार दुरुपयोग अनुसन्धान आयोगले टेलिकम्युनिकेसन ट्राफिक मनिटरिङ एण्ड फ्रड कन्ट्रोल सिस्टम (टेराम्क्स) प्रविधि खरिद प्रकरणमा नेपाल दुरसञ्चार प्राधिकरणका २० जना पदाधिकारी तथा कर्मचारीसँग बयान लिएको छ । ट...
फागुन १३, २०७५
काठमाडौं – खानेपानी मन्त्रालयबाट सरुवामा परेपछि सचिव गजेन्द्र ठाकुर मन्त्री बीना मगरविरुद्ध खनिए । मेलम्ची आयोजनालाई अलपत्र छाडेर भागेको इटालियन ठेकेदार कम्पनी सीएमसीलाई काममा फर्काउने कि नयाँ ठेक्का प्रक्रिया अघि बढाउने भन्नेमा मन्त्री र सचिवबीच विवाद भएको चर्चा चल्यो ।
सचिवले आरोप लगाए– ‘मन्त्रीले गैरकानूनी रूपमा सीएमसीलाई फर्काउन दबाब दिइन् । धरौटी रकम फिर्ता गरी थप तीन अर्ब रकम दिएर सीएमसी फर्काउने खेल हुँदैछ । मन्त्री मगर देश डुबाउने खेलमा छिन् ।’
त्यसको केही दिनपछि संसद्मा मन्त्री मगरसँग सांसदहरूले सचिवसँगको आरोप प्रत्यारोपबारे प्रश्न सोधे । प्रतिनिधि सभाको प्रश्नोत्तर सेसनमा रोष्ट्रममा उभिएकी मन्त्री मगरले भनिन्– ‘मैले यस विषयमा आधिकारिक प्रतिक्रिया दिएको छैन ।’ सचिवले के बोले भन्ने विषयमा उनी स्वयं जिम्मेवार हुने उनको प्रतिक्रिया थियो ।
आफूले मेलम्चीको काम यथासक्य छिटो सम्पन्न गर्न सीएमसीलाई फर्काउने पहललाई प्राथमिकता दिएको भन्दै उनले सचिवले त्यस अनुसार काम नगरेपछि सरुवा गरेको बताइन् ।
मन्त्रीले औपचारिक रूपमा कुनै आरोप नलगाएपनि उनी निकट स्रोतहरूलाई उद्धृत गर्दै सचिवले कमिसनको लोभमा सीएमसीलाई भगाउन भूमिका खेलेको र नयाँ ठेक्काको कुरा पनि कमिसनकै लोभबाट प्रेरित भएको आशयका समाचारहरू सार्वजनिक भए ।
खानेपानी मन्त्री र सचिव ठाकुरबीच विवादको प्रसंग अझै सेलाएको छैन । यसैक्रममा आइतवार राष्ट्रिय सभामा पनि यो विषय उठ्यो ।
विशेष समय लिएर बोलेका कांग्रेस सांसद बद्री पाण्डेले मन्त्री र सचिवमध्ये एक दोषी भएको कुरा उनीहरूको आरोप प्रत्यारोपबाटै पुष्टि भएको भन्दै वास्तविक दोषी पहिचान गरी कारवाही गर्न माग गरे ।
...
सविच कृष्णप्रसाद देवकोटा संस्कृति, पर्यटन तथा नागरिक उड्डयन मन्त्रालयबाट हालै युवा तथा खेलकुद मन्त्रालयमा सरुवा भए । गत बुधवार पर्यटन मन्त्रालयमा सचिव ठाकुरको बिदाइ कार्यक्रम आयोजना गरिएको थियो ।
सो कार्यक्रममा देवकोटा आफ्नो सरुवाप्रति असन्तुष्ट देखिए । केही समयअघि राजधानीमा उद्घाटन गरी थन्किएका बिजुली बसको विषयलाई लिएर आफूलाई सरुवा गरिएको आरोप उनले लगाए ।
ती बसलाई चीनबाट ल्याएको भनेर प्रमाणित गर्न दिइएको दबाबलाई नमान्दा आफूलाई सरुवा गरिएको उनको आरोप थियो । कसले दबाब दिएको भन्ने भने उनले खुलाएनन् । बस भारतीय भएको दाबी गर्दै उनले ती बसमा विभिन्न प्राविधिक त्रुटि समेत देखिएको जिकिर गरे ।
यी त ताजा उदाहरण मात्र हुन्, यस्ता आरोप प्रत्यारोप निकै लामो समयदेखि चल्दै आएको छ । कर्मचारीले एउटा आरोप लगाउँछन्, मन्त्रीहरूले प्रत्यारोप गर्छन्, घटना बिस्तारै सेलाउँछ । न आरोप लगाउने कर्मचारीलाई कारवाही हुन्छ, न त त्यसको पुष्टि भएर मन्त्रीहरू नै कारवाहीमा परेको उदाहरण छ ।
स्वार्थ मिल्दासम्म ठीक, नमिलेपछि आरोप–प्रत्यारोप !
पूर्व सचिव खेमराज नेपाल यस्ता विषयमा दुवै पक्षको निहीत स्वार्थ रहेको देखिने बताउँछन् । ‘यस्ता कुरा थियो भने त समयमै भन्नुपर्ने नि,’ नेपालले लोकान्तरसँग भने, ‘बाहिर आएपछि मात्र यस्तो भयो भन्दा यसमा भेस्टेड इन्ट्रेस्ट (निहीत स्वार्थ) छ भन्ने देखिन्छ ।’
उनले थपे, ‘हाम्रोमा दण्ड दिने प्रथा छैन । दण्डको प्रथा नभएपछि मिलिभगतमा काम हुन्छ । स्वार्थ मिल्दासम्म मिल्छन्, मिलेन भने मात्र कुरा बाहिर आउँछ ।’
आचारसंहिता नहुँदा पनि समस्या भएको उनको भनाइ छ । ‘मन्त्रिपरिषद्को लेभलमा कायम गर्नेहरूका लागि आचारसंहिता नै छैन,’ उनले भने, ‘आचारसंहिता भएको भए नैतिकताको कुरा आउँथ्यो ।’
ब्यूरोक्रेसी कानून कार्यान्वयन गर्ने निकाय भएकाले कानूनी ढंगले नै यसको हल खोज्न सकिने उनको सुझाव छ ।
लोकतन्त्र र सुशासनका निम्ति खतरा
प्रशासनविद् काशीराज दाहाल यस्तो किसिमको व्यवहारले अराजकता सिर्जना गर्ने बताउँछन् । ‘जिम्मेवार व्यक्तिले एक अर्कामा दोषारोपण गर्नु स्वस्थ अभ्यास होइन, यसले अराजकता सिर्जना गर्छ,’ दाहालले भने, ‘सत्यतथ्य के हो अनुसन्धान गरेर दोषीमाथि कारवाही हुनुपर्छ ।’
आरोप लगाइएजस्तै भ्रष्टाचारको कुरा भए अख्तियार दुरुपयोग अनुसन्धान आयोग आकर्षित हुने, अन्यथा अनुशासनहीनताको अभियोगमा विभागीय कारवाही हुनुपर्ने उनले बताए ।
राजनीतिक व्यक्तित्व र प्रशासनबीचको यस्तो आरोप–प्रत्यारोप लोकतन्त्र र सुशासनका निम्ति अनुकूल नरहेको प्रशासनविद् दाहालको भनाइ छ ।
‘प्रशासनविद्को नाताले भन्नु पर्दा मन्त्री र सचिवको बीचमा जुन किसिमको संवाद आएका छन्, त्यसले प्रशासनमा समस्या छ भन्ने देखिन्छ,’ दाहालले लोकान्तरसँग भने, ‘यस्तो किसिमको व्यवहार लोकतन्त्रलाई सुदृढ गर्न र सुशासनका निम्ति स्वस्थ अभ्यास मान्न सकिन्न ।’
अख्तियार दुरुपयोग अनुसन्धान आयोगले टेलिकम्युनिकेसन ट्राफिक मनिटरिङ एण्ड फ्रड कन्ट्रोल सिस्टम (टेराम्क्स) प्रविधि खरिद प्रकरणमा नेपाल दुरसञ्चार प्राधिकरणका २० जना पदाधिकारी तथा कर्मचारीसँग बयान लिएको छ । ट...
शिक्षा, विज्ञान तथा प्रविधि मन्त्री सुमना श्रेष्ठ सिंहदरबारका कर्मचारीबीच 'गसिप'को विषय बनेकी छन् । छिनछिनमा मिटिङ गर्नुपर्ने, सर्वसाधारणले भेट्ने समय मिलाउन क्यूआर कोड स्क्यान गर्नुपर्ने, रिपोर्...
अख्तियार दुरुपयोग अनुसन्धान आयोगले क्षेत्रीय शिक्षा निर्देशनालय हेटौंडाका तत्कालीन कामु निर्देशक दिनेशकुमार श्रेष्ठसहित ७ जनाविरुद्ध भ्रष्टाचार मुद्दा दायर गरेको छ । सार्वजनिक सम्पत्तिको हानिनोक्सानी गरी भ्रष्टाचार...
राष्ट्रिय सतर्कता केन्द्रको परिपत्रविपरीत कर्मचारीको कोटामा खानेपानीमन्त्री महिन्द्र राय यादवका छोरा सुनिल अधिकारी यादव विदेश भ्रमणमा गएका छन् । मन्त्री यादवका छोरा सुनिल भारतको उडिसा प्रदेशमा कर्मचारीको कोटामा ...
निर्माण व्यवसायी महासंघले खरिद सम्बन्धी कानून परिमार्जनसहितका ९ बुँदे माग राखी आन्दोलन गरेको थियो । २०८० साउन २६ गते प्रधानमन्त्रीस्तरीय निर्णयबमोजिम सार्वजनिक खरिद अनुगमन कार्यालयका सचिवको अध्यक्षतामा गठित कार्यद...
नेपालगञ्जका चेतन मानन्धरलाई नियन्त्रणमा लिएर खुँडा प्रहार गरी हत्या गरेको अभियोगमा जन्मकैदको सजाय भुक्तान गरिरहेका रिगल भनिने गुण्डानाइके योगराज ढकालले संविधान दिवस (असोज)का अवसरमा आममाफी पाएको विषयमा...
सृष्टिमा हरेक चीजको एउटा अति हुन्छ, जसलाई हामी सीमा भन्ने गर्छौँ, जलाई उसले आउँदा सँगै लिएर आएको हुन्छ र जेजति गर्छ यसैभित्रै रहेर गर्छ । अति पार गर्नासाथ उसको अस्तित्व पनि समाप्त हुन पुग्छ । अति पार गरेपछि नदी...
नेपाली कम्युनिस्ट आन्दोलन कतिपटक विभाजन भयो ? पुनः एकता, मोर्चा गठन, विघटनलाई हेर्दा यसको जोडघटाउको लामै शृङ्खला बन्छ । र, त्यसमा मूलधारको राजनीतिबाट विभाजित कम्युनिस्ट पार्टी अर्थात् वामपन्थी पार्टीहरूको विसर्...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...