मंसिर १९, २०८०
पूर्वनिर्धारित डिजाइनअनुसार काम गर्न समस्या भएको भन्दै केही महिनाअघि रोकिएको 'ग्वार्को फ्लाइ ओभर'को (ओभरपास) निर्माण कार्य अहिले द्रुत गतिमा अगाडि बढेको छ । प्राविधिक टोलीले अध्ययन पूरा गरि रि-डिजाइन...
काठमाडाैं | माघ ९, २०८०
चक्रपथको दोस्रो खण्ड (कलंकी–महाराजगञ्ज धोबीखोला सडक) स्तरोन्नतिका लागि भनेर सडक भत्काउन थालेको करिब ५ वर्ष बित्यो, तर पनि मुख्य काम अझै शुरू हुन सकेको छैन ।
भत्किएको सडकका कारण स्थानीय र यात्रुले धूलो तथा हिलोको सास्ती भने भोगि नै रहेका छन् ।
मुख्य ८ लेनलाई छाडेर बाहिरी सर्भिस लेनको काम नेपाल आफैंले गरेको हो । मुख्य ८ लेनको काम भने चीन सरकारको आर्थिक सहयोगमा हुनुपर्ने हो ।
नेपाल सरकारले बनाउनुपर्ने सर्भिस लेनअन्तर्गत कलंकीदेखि स्वयम्भूसम्म कालोपत्रे र ढलानको काम भए पनि स्वयम्भूदेखि बसुन्धरासम्मको काम अलपत्र छ । सडकको दुवैतर्फ कतै ग्राबेल राख्ने काम हुँदैछ भने कतै खनेर असरल्ल छाडिएको छ ।
गोंगबुमा विगत चौध वर्षदेखि मेडिकल पसल सञ्चालन गर्दै आएकी सिर्जना श्रेष्ठले २० वर्षदेखि सडकको धूलोले सास्ती दिएको बताइन् । औषधिको बोतल सफा गरिरहेको अवस्थामा भेटिएकी उनले धुवाँ र धूलोकै कारण आफूले दैनिक ५ - ६ पटकसम्म शिशाभित्र रहेको औषधिको बोतल पुछ्नुपरेको बताइन् ।
'हेर्नुस्, त शिशाभित्र पनि कति धूलो बसेको छ। मास्क मात्र मैले दैनिक ३ पटक फेर्ने गरेकी छु,' उनले भनिन्, 'खुर्सानीको धूलोले पोलेकोजस्तो आँखा सधैं पोल्छ । खकार र सिँगान कालो आउँछ । दम बढेर घ्यारघ्यार हुन्छ ।'
उनले थपिन्, 'मैले २० वर्षदेखि हेरिरहेकी छु, जहिले पनि सडक बनाउने भनेर लथालिंग पारेर छाड्छन् ।'
****
सोही क्षेत्रमा तन्दुरी भोजनालय सञ्चालन गर्दै आएका काशीराम पाण्डेको दु:खेसो पनि उस्तै छ । १४ वर्षदेखि बसपार्क क्षेत्रमा रहेको बताउँदै उनले भने, 'सडक विस्तारका क्रममा आएको धूलोले व्यवसायमा धेरै असर परेको छ । धूलो देखेर मानिसहरू खाना खान नै आउँदैनन् । हामीले त सक्दो धूलो सफा गरेर पकाउँछौं, तर पनि टेबल-टेबलमा धूलो छिरेर मेरो व्यवसाय चौपट पारेको छ,' पाण्डेले भने ।
एकजना कामदार त धूलो पुछ्नका लागि मात्र राखिएको र उसले दिनैभरि धूलो पुछ्ने काम गर्दै आएको उनले बताए । धूलोका कारण स्वास्थ्यमा निकै समस्या आइसकेको गुनासो पाण्डेले गरे ।
'मैले हरेक दिन बिहानदेखि साँझसम्म धूलो खाँदा आजको उमेरसम्म क्विन्टल नै धूलो खाएँ होला,' उनले थपे, 'सोहीकारण आँखा पोल्छ, छाती दुख्छ, कालो खकार आउँछ ।'
चक्रपथ विस्तारअन्तर्गत अहिले सर्भिस लेनको काम भइरहेको छ ।
स्थानीयको सास्ती सम्बन्धमा नेपाल सरकार र सडक विभाग गम्भीर रहेको विकास सहायता कार्यान्वयन महाशाखाका उपनिर्देशक डा. विजय जैसीले लोकान्तरसँग बताए ।
जैसीले थपे, 'धूलो नियन्त्रण गर्नका लागि पानी राख्ने र ग्राबेल गर्ने काम गरिरहेका छौं । यो समस्यालाई हामीले नोट गरेका छौं । यसको समाधानतर्फ हाम्रो ध्यान गएको छ ।'
चक्रपथ दोस्रो खण्ड विस्तारअन्तर्गत नेपाल सरकारले गर्नुपर्ने ९९ प्रतिशत काम सम्पन्न हुने चरणमा रहेको उपनिर्देशक डा. जैसीले दाबी गरे ।
'साइट क्लियरेन्स करिब ९९ प्रतिशत सम्पन्न भैसकेको छ । कहीँकहीँ चिया पसल थाप्नेहरू होलान्, ती त निर्माण शुरू हुनासाथ हटिहाल्छन्, उनले भने, 'रूख कटानदेखि पोल सार्नेसम्मको काम हाम्रोतर्फबाट सम्पन्न भैसकेको छ ।'
चक्रपथको मुख्य आठ लेन चिनियाँ पक्षले बनाउने हो भने त्योभन्दा बाहिरको सर्भिस लेन नेपाल सरकारले बनाउने गरी सम्झौता भएको छ ।
'चिनिया पक्षले डीपीआर बनाउने, परामर्शदाता छनोट गर्ने, निर्माण व्यवसायी छनोट गर्ने तयारी गरिरहेको भन्ने हामीले बुझेका छौं । अबको प्रोसेस चिनिया पक्षकै हातमा छ,' डा. जैसीले भने ।
हेर्नुहोस्, भिडियो:
पूर्वनिर्धारित डिजाइनअनुसार काम गर्न समस्या भएको भन्दै केही महिनाअघि रोकिएको 'ग्वार्को फ्लाइ ओभर'को (ओभरपास) निर्माण कार्य अहिले द्रुत गतिमा अगाडि बढेको छ । प्राविधिक टोलीले अध्ययन पूरा गरि रि-डिजाइन...
रुकुम पश्चिमको आठबीसकोट नगरपालिकाकी कुमारी थापा मुटु दुख्ने समस्याले छट्पटिएको लामो समय भयो । यसबीचमा उनी कहिले घरबाट २/३ घण्टा हिँडेर स्थानीय स्वास्थ्यचौकी पुगिन् त कहिले उपचारका लागि भनेर सदरमुकाम मुसिक...
हरिबोधनी एकादशीको अवसरमा काठमाडौंको बूढानिलकण्ठ मन्दिरमा सप्ताह ज्ञान महायज्ञ भइरहेको छ । बूढानिलकण्ठ नारायण मन्दिर व्यवस्थापन समितिको आयोजनामा बिहीवारदेखि उक्त सप्ताह महायज्ञ शुरू भएको हो । ...
'राष्ट्र, राष्ट्रियता, धर्म-संस्कृति र नागरिक बचाऊ' अभियानका नाममा मेडिकल व्यवसायी दुर्गा प्रसाईंले आयोजना गरेको प्रदर्शनका क्रममा बल्खुमा तनाव उत्पन्न भयो । दुर्गा प्रसाईं, राप्रपा सांसद ज्ञानबहादुर शाहील...
ललितपुरको उत्तर–पश्चिम क्षेत्रमा पर्ने छम्पी क्षेत्र यतिबेला निकै हरियाली, शान्त र मनमोहक देखिन्छ । काठमाडौं उपत्यकामा खेतीयोग्य जमिन पाउन मुस्किल भइरहेको बेला छम्पी क्षेत्रका स्थानीयले भने नगदेब...
खोला किनारमा निर्माण भएका सडकले काठमाडौं उपत्यकाको सवारी आवागमनलाई केही हदसम्म भए पनि सहज बनाएको छ । काठमाडौंको बागमती, विष्णुमती, मनोहरा, धोबीखोला, नख्खु खोला, टुकुचा, हनुमन्ते, रुद्रमतीलगायत...
नेपाली कम्युनिस्ट आन्दोलन कतिपटक विभाजन भयो ? पुनः एकता, मोर्चा गठन, विघटनलाई हेर्दा यसको जोडघटाउको लामै शृङ्खला बन्छ । र, त्यसमा मूलधारको राजनीतिबाट विभाजित कम्युनिस्ट पार्टी अर्थात् वामपन्थी पार्टीहरूको विसर्...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...