इलाम २ को उपनिर्वाचनको मतगणनामा एमालेका सुहाङ नेम्वाङले अग्रता कायमै राखेका छन् । आज बिहान ९ः४५ बजेसम्ममा उनले ९ हजार ४८४ मत ल्याएर अग्रता फराकिलो बनाउँदै लगेका छन् । 

दोस्रो स्थानमा रहेका कांग्रेसका डम्बर खड्काले ६ हजार ६३१ मत ल्याएका छन् । नेम्वाङ खड्काभन्दा २ हजार ८५३ मतले अगाडि छन् । यसअघि उनी २ हजार २५७ मतले अगाडि थिए । 

पहिचान पक्षधर स्वतन्त्र उम्मेदवार डकेन्द्रसिंह थेगिम लिम्बूले ५ हजार ९५१ तथा रास्वपाका मिलन लिम्बूले १ हजार ४०१ मत पाएका छन् ।

यो परिणाम माङ्सेबुङ गाउँपालिका वडा नम्बर २ गन्दासम्मको हो । माङ्सेबुङ २ मिलन लिम्बूको आफ्नै वडा हो ।