हिक्मत कार्की नेतृत्वको सरकार अवैधानिक रहेको कोशी कांग्रेस संसदीय दलको ठहर

नेपाली कांग्रेस संसदीय दलको बैठकले हिक्मतकुमार कार्की नेतृत्वको सरकार अवैधानिक भएको ठहर गरेको छ ।​

कांग्रेस केन्द्रीय सदस्य मीन विश्वकर्मासहित बसेको संसदीय दलको बैठकले मुख्यमन्त्रीविरुद्ध सर्वोच्चमा मुद्दा विचाराधीन अवस्थामा रहेकाले फैसला नआएसम्म अवैधानिक हुने ठहर गरेको हो ।

यस्तै आजको बैठकमा सहभागी नहुने समेत निर्णय गरेको छ ।​

दीर्घकालिन असर गर्ने प्रस्ताव पारित गर्न नहुने भएकाले विश्वासको मत लिनु असंवैधानिक हुने कांग्रेसको ठहर छ ।

विश्वासको मत लिने बैठक भने चलिरहेको छ ।