पोखरादेखि तम्घास आउँदै गरेको बस फलाटेमा दुर्घटनाः १२ जना घाइते

बिहीबार पोखरादेखि गुल्मीको सदरमुकाम तम्घास आउँदै गरेको लु१ख ८१७५ नम्बरको बस रुरुक्षेत्रमा दुर्घटनामा परेको छ । 

गुल्मीको रिडीदेखि माथि फलाटेमा गाडी दुर्घटनामा परेको जिल्ला प्रहरी कार्यालय गुल्मीका प्रहरी प्रमुख राजन भुजेलले जानकारी दिए । 

‘प्रहरीले घटनास्थलबाट घाइतेहरूलाई उद्धार गरेर हस्पिटल पठाइँदै छ,’ एसपी भुजेलले भने, ‘अहिलेसम्म १२ जना घाइते भएको भन्ने सूचना आएको छ ।’

घटनाबारे विस्तृत विवरण आउन बाँकी रहेको उनले बताए ।