काठमाडौं — संसारको सबभन्दा शक्तिशाली देश अमेरिकासँग अथाह सुन छ । अमेरिकाको आधिकारिक गोल्ड रिजर्भको एक ठूलो भाग केन्टकीको फोर्ट नक्सस्थित बुलियन डिपोजिटरीमा राखिएको छ ।

त्यहाँ ४६ सय टन सुन छ । फोर्ट नक्स एक आर्मी पोस्ट हो र यो १०९ हजार एकडमा फैलिएको छ । 

यसभित्र राखिएका सुनलाई मोटो ग्रेनाइटको पर्खालले घेरेको छ । छत पनि बमप्रूफ छ । 

यो संसारकै सबभन्दा सुरक्षितमध्येको एक भवन हो । 

यस भवनमा पल्टिपल अलार्म भएको तारबार छ जसलाई अपाचे हेलिकप्टरले निगरानी गरिरहन्छ । 

त्यहाँ २२ टनका ढोका लगाइएका छन् । दश फरक फरक कर्मचारीको कम्बिनेसन कोडले ढोका लक गरिन्छ । आफ्नो कोडबाहेक अर्को कोड कर्मचारी थाहै हुँदैन । 

भवननजिक अनधिकारिक रूपमा प्रवेश गर्न खोज्ने व्यक्तिलाई लागि अपाचे हेलिकप्टर, ट्यांकहरू, तारबार, सुरक्षागार्ड अनि ग्रेनाइटको पर्खाल र चारैतिरका अलार्मले सफल हुनै दिँदैनन् । 

त्यहाँ युरोपेली देशको गोल्ड रिजर्भ, म्याग्नाकार्टा, बेलायतको राजखजाना र अमेरिकी संविधानको मूल प्रति राखिएको छ । 

सन् १९३६ मा अमेरिकी ट्रेजरी डिपार्टमेन्टले केन्टकीस्थित फोर्ट नक्समा अमेरिकी बुलियन डिपोजिटरीको निर्माण पूरा गरेको छ । डिपार्टमेन्टलाई यसको जमीन अमेरिकी सेनाले दिएको थियो । यसको निर्माणका लागि त्यतिखेरको पाँच
करोड रुपैयाँ खर्च गरिएको थियो ।

सन् १९८८ मा यो ठाउँलाई अमेरिकाको नेसनल रजिस्टर अफ हिस्टोरिक प्लेसेजमा संलग्न गरिएको थियो ।

एजेन्सी