काठमाडौं, १० वैशाख– दुई कोरियाबीच वार्ताको तयारी भइरहदा दक्षिण कोरियाले उत्तर कोरियाको सीमा क्षेत्रमा लामो समयदेखि गर्दै आएको प्रसारण प्रोपागाण्डा बन्द गरेको छ । 

दक्षिण कोरियाले प्रोपागाण्डाका लागि प्रयोग भएका ठूलो ध्वनीसहितका उपकरणहरु हटाएको हो । दुई मुलुकबीच यही साताको अन्त्यमा उच्चस्तरीय वार्ताको तयारी भएको छ । 

ती उपकरणमार्फत दक्षिण कोरियाले उत्तर कोरियाविरोधी गीत–संङ्गित तथा समाचारहरु प्रसारण गर्दै आएको थियो । कोरियाली युद्धपछि सीमा क्षेत्रमा दुवै मुुलुकले ठूलो ध्वनी आउने उपकरणहरुमार्फत प्रोपागाण्डा गर्दै आएका थिए । 

उत्तर कोरियाले ती उपकरण हटाएको÷नहटाएकोबारे भने नखुलेको बीबीसीले उल्लेख गरेका छ ।