काठमाडौं, ८ जेठ- के एल दुगड समूह अन्तर्गत स्मार्ट अप्लाईन्सेस कम्पनीले स्काईवर्थ ब्राण्डको ‘वालपेर टिभी’ बजारमा सार्वजनिक गरेको छ । ३ दशमलव ६ एमएम मोटाइ रहेको सो टिभी संसारकै सबैभन्दा स्लिम रहेको कम्पनीले जनाएको छ । कम्पनीले स्मार्ट फोन भन्दा पनि पातलो रहेको सो टिभी सोमबार सांझ काठमाण्डौमा डिलर मिट आयोजना गरि सो टिभी सार्वजनिक गरिएको हो । 

ओएलइडी टेक्नोलोजीले डिस्प्लेमा उज्यालो, किफायति, पातलो र विभिन्न नयाँ फिचरहरु समाबेस गरेको छ । जुन अन्य एलइडी टिभी भन्दा निकै राम्रो रहेको छ । साथै यो टिभीमा जेबिएल साउण्ड सिस्टम जडान गरिएको छ जसकारण उच्च दर्जाको साउण्ड अनुभव गर्न सकिन्छ । यो टिभीको मूल्य नेपाली बजारमा रु. २० लाख भन्दा माथि पर्ने कम्पनीले जनाएको छ ।

सोही कार्यक्रममा स्काईवर्थको गुगल एन्ड्रोइड टिभी र मल्टी फंकसन टी टेबल पनि सार्वजनिक गरिएको थियो । कम्पनीकाअनुसार गुगल एन्ड्रोइड टिभी र भ्वाइस कमाण्डबाट नै आफ्नो इच्छा अनुसारको कार्यक्रम हेर्न सकिने र मोबाइल जस्तै गुगल प्लेस्टोरमा गएर आफ्नो चाहना अनुसारको एप्लिकेसन डाउनलोड गर्न सकिने स्मार्ट प्रविधि छ । 

साथै मल्टिफंकसन टी टेबल टेबल मात्र नभइ रेफ्रिजेटर, साउण्ड बक्स, मोबाइल चार्जिङ युनिट जस्ता विविध प्रविधिहरु एउटै टेबलमा उपलब्ध भएको समार्ट टेबल हो । यी सार्वजनिक गरिएका तिन वटै  प्रोडक्ट इनोभेसन र टेक्नोलोजिको उत्कृष्ट उदाहरण हो । त्यस कारण यी प्रोडक्टहरुले नेपालमा पनि राम्रो बजार लिने छ भन्ने कम्पनीको दाबी छ । 

युरोप, एसिया, अफ्रिका तथा अमेरिकाको बजारमा राम्रो सफलता हांसिल गरिसकेको यस स्काईवर्थ कम्पनीको टिभी तथा होम एप्लाइन्सेस राम्रो गुणस्तरको र किफायती मूल्यमा उपलब्ध हुने कारण नेपालमा पनि छोटो समयमै  लोकप्रिय हुन सफल भएको कम्पनीको ठम्याई रहेको छ ।  साथै स्काईवर्थको वल्र्डकप अफर स्किम नेपालभर संचालन भईरहेको छ । यस योजना अन्र्तगत स्काइवर्थका टेलिभिजनमा उपभोक्ताले २५ प्रतिशतसम्मको छुट अफर पाउनेछन् ।