काठमाडौं – भारतका पूर्वप्रधानमन्त्री अटल बिहारी वाजपेयीको स्वास्थ्यस्थिति नाजुक हुँदै गएको छ । विगत ३६ घन्टामा उनको स्वास्थ्यमा सुधार आएको छैन । 

उनलाई दिल्लीस्थित एम्स अस्पतालमा भर्ना गरिएको छ ।

अटल एक उम्दा नेता हुन् र विपक्षमा हुँदा उनले आफ्नो बलियो विरोधले सरकारलाई अप्ठ्यारोमा पार्ने गरेका थिए । 

आजभन्दा ४५ वर्षअघि अटलले पेट्रोल र डिजेलको भाउ बढेको विरोधमा गरेको कामको अहिले पनि याद गरिन्छ ।

त्यतिखेर इन्दिरा गान्धीको सरकार थियो र वाजपेयी पेट्रोलको मूल्यवृद्धिको विरोधमा गोरुगाडा बढेर संसद् पुगेका थिए । 

त्यतिखेर संसदमा ६ हप्तासम्म शीतकालीन सत्र शुरू भएको थियो । 

पेट्रोलको भाउ बढेपछि वामपन्थी र अन्य विपक्षी दलले इन्दिरा गान्धीको राजीनामा मागेका थिए । 

तत्कालीन जनसंघका नेता अटल र दुई अन्य सदस्य गोरुगाडा चढेर संसद् पुगेका थिए । अन्य केही सांसद चाहिँ साइकल चढेर गएका थिए । 

अटल र बाँकी विपक्षी नेता देशमा पेट्रोल र डिजेलको कमी भएपछि इन्दिरा गान्धीको बग्गीयात्राको विरोध गरिरहेका थिए । त्यतिखेर इन्दिरा जनतालाई पेट्रोल बचाउने सन्देश दिनका लागि बग्गीयात्रा गर्दै थिइन् ।

एजेन्सी