बुटवल – शाइन रेसुङ्गा डेभलपमेन्ट बैक लिमिटेडले रुपन्देही जिल्लाको देवदह नगरपालिकाको खैरेनी र शुद्घोधन गाउँपालिकाको फर्साटिकरमा शाखा कार्यालय खोली वित्तीय कारोबार शुभारम्भ गरेको छ ।

चुक्तापूँजी १ अर्व ६२ करोड रहेको बैंकले हालसम्म १४ अर्ब ६५ करोड निक्षेप परिचालन गरी १३ अर्ब २१ करोड रुपैयाँ कर्जा लगानी गरेको छ । शाखा विस्तार पश्चात रुपन्देहीमा १२ शाखा कार्यालय पुगेका छन् भने कुल शाखा संख्या ३६ र १ वटा एक्सटेन्सन कार्यालयमार्फत् बैंकिङ सेवा प्रदान गरिरहेको बैंकले रुपन्देही जिल्लाको शंकरनगर र कोटिहवा तथा नवलपरासी जिल्लाको सुनवलमा छिट्टै शाखा विस्तार गर्ने तयारीमा रहेको छ ।

आवश्यकता र सम्भाव्यताका आधारमा थप शाखा विस्तार गर्ने लक्ष्य लिएको बैंकले जनाएको छ । बैंकको गत आर्थिक वर्षको मुनाफाबाट लाभांश वितरणका लागि नेपाल राष्ट्र बैंकबाट स्वीकृत प्राप्त भइसकेकाले आगामी असोज २८ गते दशौं वार्षिक साधारणसभा गर्न गइरहेकोे जनाएको छ ।