मंसिर १४, २०८०
प्रगतिशील राजनीतिको 'फ्रन्टलाइन'मा देखिने नेताहरू जति कठोर हुन्छन्, त्यो भन्दा बढी ‘इमोसनल र सेन्टिमेन्टल’ पनि हुन्छन् । त्यस्तै ‘इमोसनल फिलिङ्स’का बाबजुद परिस्थितिले कठोर बन्दै गएक...
विराटनगर – सामान आयातमा पूर्वको जीवनरेखा भनेर निर्माण शुरू भएको कटहरी–बथनाहा रेल्वे निर्माणको काम तीब्र गतिमा अघि बढेको छ ।
कटहरी–बथनाहा रेलमार्गको प्रगतिबारे रेल विभागले समेत पटक–पटक जानकारी लिँदै आएको छ । रेल विभागका प्रमुख बलराम मिश्र सहितको टोलीले केही दिनअघि रेलको लीग निर्माणस्थलमा भारतीय पक्षका ठेकेदार कम्पनीसँग जानकारी लिएको छ ।
भारतीय पक्षले रेल निर्माणका क्रममा सुरक्षा चुनौती रहेको, विद्युत्को लाइनको प्रबन्ध नभएको गुनासो गरेका थिए । मिश्रले समस्या समाधानका लागि पहल गर्ने भारतीय पक्षलाई विश्वस्त पारेका छन् ।
विभिन्न कारणले निर्माणमा ढिला भएको बथनाहा–कटहरी रेल्वे निर्माणको काममा भारतीय निर्माण कम्पनीले सुरक्षा तथा अन्य विभिन्न बहानामा ढिलाइ गरिरहेको छ । भारतीय पक्षले समयमै काम सम्पन्न गर्न तयार भएको भएपनि नेपालकै विभिन्न समस्याले काममा अवरोध आएको जनाएको छ ।
भारतको बथनाहादेखि विराटनगर–१८ बुधनगरसम्म ८ किलोमिटर पर्छ । यस क्षेत्रमा भने अहिले लीग बिछ्याउने काम सकिएको छ । बाँकी रहेको ८ किलोमिटर क्षेत्रमा लीग बिछ्याउने काम भइरहेको छ । भारतीय निर्माण कम्पनी इर्कनले बथनाहा कटहरी रेल्वे परियोजना निर्माणको काम अन्तिम चरणमा पुगेको जनाएको छ ।
भारतीय ३ सय ७३ करोड रुपैयाँको लागतमा निर्माण भइरहेको परियोजनाको काममा हालसम्म २ सय ३५ करोड रुपैयाँ बजेट खर्च भइसकेको परियोजनाले जनाएको छ । बथनाहादेखि बुधनगरसम्म ९५ प्रतिशत र नेपालतर्फको बाँकी क्षेत्रमा पनि ८० प्रतिशत काम सम्पन्न भइसकेको कम्पनीका जोइन्ट जेनेरल मेनेजर प्रदीप कुमारले बताए ।
भारतको बथनाहादेखि नेपालको कटहरीसम्म १८ दशमलव ६ किलोमिटर रहेको छ । प्रदीप कुमारले यसै महिनाभित्र बुधनगरसम्म परीक्षणका लागि रेल ल्याउने तयारी भएको जानकारी दिए ।
नेपालतर्फ मुआब्जा विवाद
नेपालतर्फ कटहरीमा जग्गा मुआब्जा विवादका कारण कामले गति लिन भने सकेको छैन । सन् २०११ जनवरी २८ देखि शुरू भएको आयोजना लामो समयसम्म मुआब्जा विवादले समस्यामा परेको छ । सन् २०१३ डिसेम्बरमा सम्पन्न गर्ने गरी भारतीय निर्माण कम्पनी इर्कनले ठेक्का लिएको काम विभिन्न समस्या तथा ढिलासुस्तीका कारण ७ वर्ष बित्न लाग्दा समेत सकिएको छैन ।
तेस्रो मुलुकको सामान ल्याउने मुख्य नाका
रेल सञ्चालनमा आएसँगै तेस्रो मुलुकबाट आयात हुने मालवस्तु कोलकत्ता बन्दरगाहबाट सिधै विराटनगर नाकासम्म ल्याउन सहज हुने व्यापारीको भनाई छ । कोलकताबाट विराटनगर नाकासम्म रेलमार्फत् मालवस्तु आयात गर्ने बाहक रेलको सुविधा केही महिना अघिदेखि मात्र शुरू भएको हो ।
जोगबनीमा कन्टेनर राख्ने ठाउँ नभएकाले कोलकत्ताबाट रेलमार्फत् ढुवानी भएको आयातीत वस्तु बथनाहामा नै राख्ने गरिएको छ । बुधनगरसम्म रेलको नियमित सञ्चालनले पनि व्यवसायीलाई ठूलो राहत मिल्ने नेपाल उद्योग वाणिज्य महासंघ १ नम्बर प्रदेश समितिका उपाध्यक्ष राजेन्द्र राउतले बताए । तर, रेल त्यहीँसम्म मात्र सीमित रहनेभन्दा पनि कटहरीसम्म नै आउँदा व्यापारीको लागतमा धेरै कमी आउने उनले बताए । रेलको लीग बिछ्याउने काम चाँडै सकियो भने रेल सीमा क्षेत्रमा मात्रै नभएर कटहरीसम्म आउने र त्यसबाट नेपाललाई ठूलो राहत हुने राउतले बताए ।
नेपाल र भारत सरकारले सन् २०१० मा विभिन्न ५ स्थानमा रेलमार्ग विस्तार गर्ने समझदारीपत्रमा हस्ताक्षर गरेका थिए । जसअनुसार सम्पूर्ण खर्च भारत सरकारले नै गर्ने र नेपालतर्फको जमिनको मुआब्जा नेपाल सरकारले व्यहोर्ने समझदारी गरिएको थियो । भारत सरकारले रेलको लीग निर्माणको काम शुरू गरेको थियो । जनकपुरमा केही दिनअघि नै रेलको परीक्षण गरिसकिएको अवस्थामा विराटनगरमा कहिले रेल आउने हो त्यो सबैको चासोको विषय बनेको छ ।
प्रगतिशील राजनीतिको 'फ्रन्टलाइन'मा देखिने नेताहरू जति कठोर हुन्छन्, त्यो भन्दा बढी ‘इमोसनल र सेन्टिमेन्टल’ पनि हुन्छन् । त्यस्तै ‘इमोसनल फिलिङ्स’का बाबजुद परिस्थितिले कठोर बन्दै गएक...
पोखराका अशोक खड्काको पारिवारिक वातावरण सानैदेखि उद्यमशीलताको थियो । उनका बुवा सधैं एकै सुझाव दिइरहन्थे– नेपालमै केही गर्नुपर्छ । उनको बालमस्तिष्कमा त्यही छाप पर्यो । विदेश जाने सोच कहिल्यै बनाएनन् । नेप...
श्रीमान्–श्रीमती नैं शाखा अधिकृत, त्यो पनि एकसाथ । यस्तो सुखद संयोग सरकारी सेवामा प्रवेश गर्न चाहनेमध्ये कमैलाई मात्र जुर्ने गर्छ । तर, गुल्मीको धुर्कोट गाउँपालिका वडा नम्बर–६ का सुरेन्द्र पाण्डे र रमित...
२०५८ साल वसन्त ऋतुको समय । घमाइलो त्यो समयमा एउटा फूल काँडाको बाटो डोरिँदै थियो । बहकाउ र त्रासमा १३ वर्षको बालक सत्तालाई बन्दुक नाल तेर्स्याउन कस्सिएको थियो । लहडमा हिँडेको बाटोमा न ऊ फुल्न पायो, न ओइलियो ।...
मनीषा जीसीको वास्तविक नाम विष्णु घर्ती क्षेत्री हो । गुल्मीको धुर्कोट गाउँपालिका– ३ हाडहाडेकी विष्णुलाई धेरैले मनीषा भनेर चिन्छन् । उनै मनीषा लोक सेवा आयोगले लिएका पाँचवटा परीक्षामा एकसाथ नाम निकालेर अह...
बुधवार काभ्रेको धुलिखेलस्थित काठमाडौं विश्वविद्यालयका १ हजार ८३८ जना विद्यार्थीमाझ सनम ढकाल दृश्यमा आए । एमबीबीएसमा सर्वोत्कृष्ट भएर गोल्ड मेडल ल्याउँदै सनम दीक्षित भएसँगै सबैमाझ परिचित भएका हुन् । काठम...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...