काठमाडौं — सुपर अर्थ र प्लेटो जस्ता आकारका ग्रहहरू तारावरिपरिको धूलोमा लुकेको हुनसक्ने र तिनीहरूको संख्या पहिले अनुमान गरिएको भन्दा निकै धेरै हुनसक्ने वैज्ञानिकहरूले बताएका छन् । 

अमेरिकाको एरिजोना विश्वविद्यालयका अनुसन्धानकर्ताले तारामण्डलमा तारा बन्ने क्षेत्रमा नयाँ ताराको अध्ययन गर्दा तीमध्ये अधिकांश ग्रह सूक्ष्म संरचनाले घेरिएको बताए । 

यी सूक्ष्म संरचनाहरूको निर्माणको प्रक्रिया नयाँ ग्रहको अंशका रूपमा परिभाषित गर्न सकिन्छ । यो अध्ययन एस्ट्रोफिजिकल पत्रिकामा प्रकाशित भएको छ । 

वैज्ञानिकहरूले सौर्यमण्डल कसरी बन्छ भन्ने विषयलाई थप राम्रो गरी बुझ्नका लागि यो अध्ययनले सहायता गर्नेछ । अनुसन्धानकर्ताहरूले वृष तारामण्डलमा नयाँ ताराहरूको अध्ययन गरेका हुन् । 

यो तारामण्डल पृथ्वीबाट ४५० प्रकाश वर्ष टाढा छ । यो ग्यास र धूलोबाट बनेको विशाल बादल हो । अनुसन्धानकर्ताहरूले प्रोटोप्ल्यानेटरी डिस्कले घेरिएका ३२ ताराको अध्ययन गर्दा त्यसमा नयाँ १२ तारा रहेको पाए ।

एजेन्सी