काठमाडौं — संसारभरिका एयरलाइन्सका विमानको शौचालय भरिँदा यात्रीहरूका लागि त्यसको प्रयोग बन्द गरिने चलन नै छ । 

तर अघिल्लो शनिवार एयर इन्डियाको लन्डन दिल्ली फ्लाइट यात्रीहरूका लागि ओभरफ्लो भएको ट्वाइलेटको फोहरी पानी इकोनोमी क्लासको कार्पेट एरियामा आयो । 

तर राम्रो कुरा चाहिँ के भने इकोनोमी क्लासमा यात्रीहरू खचाखच थिएनन् । त्यसैले विमान कर्मचारीहरूले इकोनोमी सेक्सनका सबभन्दा प्रभावित क्षेत्रबाट यात्रीहरूले अन्य सीटमा सारे । 

कार्पेटमा भरिएको पानीलाई कम्बल र कागजले छोपियो अनि यात्रीहरूको सुविधाका लागि लामो उडानका बेलामा घरिघरि अत्तर पनि छरियो । 

एयर इन्डियाका प्रवक्ताले घटनाको अनुसन्धान गरिएको बताए । अर्का एक अधिकारीले यात्रीहरूबाट अत्यधिक दुरुपयोगका कारण ट्वाइलेट ओभरफ्लो भयो । 

विमानमा यो समस्या फेब्रुअरी ९ मा लन्डनबाट उडेलगत्तै शुरू भएको थियो । फ्लाइट प्राविधिक कारणले ढिलो भएपछि केही समयमै इकोनोमी क्लासको देब्रेतर्फ पानी रसाउन थाल्यो । 

फ्लाइटमा यो समस्या झेलेका एक यात्रीले भने, ‘इकोनोमी क्लासमा गन्धे पानी आउन थाल्यो । विमान कर्मचारीले छिट्टै नै कार्पेटलाई अखबार र कम्बलले छोपृ अनि दुर्गन्ध भगाउनका लागि अत्तर छरे । यात्रीहरूले आफ्नो मुख र टाउको ज्याकेट अनि शलले छोपे ।’

एजेन्सी