काठमाडौं – चीनमा एक चिकित्सकले तीन हजार किलोमिटर टाढाबाटै पार्किन्सन्स लागेका एक रोगीको दिमागको शल्यक्रिया गरेका छन् । 

रोबोटको सहायताले गरिएको शल्यक्रियामा ५जी मोबाइल नेटवर्क प्रयोग गरिएको थियो । यस्तो किसिमको शल्यक्रिया संसारमै पहिलोपटक गरिएको चिनियाँ मिडियाको दाबी छ । 

रोगी बेइजिङस्थित एक अस्पतालमा भर्ना गरिएका थिए । शल्यक्रिया गर्ने चिकित्सक लिङ झिपेई तीन हजार किलोमिटर पर हेनान प्रान्तको सान्या शहरमा थिए । झिपेईले सान्याबाट नै रोबोट र मशिनहरूलाई नियन्त्रण गरे । एक मोबाइल एपको सहायताले उनले यो शल्यक्रिया सम्पन्न गरे ।

सम्पन्न हुनुमा ५जी नेटवर्कको प्रमुख भूमिका रह्यो किनकि इन्टरनेटको सही गतिका कारण रियल टाइम अपरेसन सम्भव भयो । 

डा झिपेईले बताए, ५जी प्रविधिले दिमागमा प्रत्यारोपण शल्यक्रिया सहज बन्यो । शल्यक्रियापछि रोगीले आराम अनुभव गरिरहेको बताए । 

यो शल्यक्रिया शनिवार तीन घन्टा चल्यो । यसक्रममा रोगीको दिमागमा इलेक्ट्रोड लगाइयो । 

यो प्रविधिले दुर्गम इलाकाहरूमा सजिलै शल्यक्रिया गर्न सकिने डा झिपेईको भनाइ छ । अनि रोगीहरूले ठूला शहर पनि गइराख्नुपर्दैन ।

एजेन्सी