काठमाडौं - बेजिङ्गमा मे १४-१७ मा आयोजित एसियाली सम्मेलनमा नेपालको करिब ६० हजार वर्ग किलोमिटर जमिनबाट भारतीय उपनिवेश अन्त्य हुनुपर्छ भन्ने विषय उठएको बारे ग्रेटर नेपाल राष्ट्रवादी मोर्चाको प्रेसविज्ञप्ति यही मे महिनाको १४१७ सम्म चीनको बेजिङ्गमा राष्ट्रिय स्तरमा आयोजित एसियाली सम्मेलनमा औपचारिक रूपमा सहभागी भई म स्वदेश फर्किएको छु ।

त्यहाँ मैले ग्रेटर नेपाल राष्ट्रवादी मोर्चाको अध्यक्षको हैसियतले मे १६ तारिखका दिन बेजिङ्गको China National Convention Centre मा अायोजित एक कार्यक्रममा Asian Wisdom to Promote Political Advancement भन्ने विषयमा औपचारिक रूपमा बोल्न पाउनु वास्तवमै एउटा ऐतिहासिक अवसर हो ।

जनवादी गणतन्त्र चीनका महामहिम राष्ट्रपतिद्वारा उद्घाटित कार्यक्रममा ४६ वटा एसियाली मुलुकसहित सयौँ देशका प्रतिनिधिले भाग लिएको र त्यसमा मैले नेपालको करिब ६० हजार वर्ग किलोमिटर भूभागमा भारतले उपनिवेश कायम गरेको विषय उठाउने महत्त्वपूर्ण अवसर पाएको थिएँ ।

यसबाट एकातिर सुगौली सन्धि अवैध हो भन्ने कुरा र अर्कोतिर नेपालको ठूलो भूभागमा भारतीय उपनिवेश कायम रहँदै आएको भन्ने विषयको अन्तर्राष्ट्रियकरणसमेत भएको छ ।

अध्यक्षको हैसियतले मैले एसियामा अझैसम्म उपनिवेश बाँकी रहेको भन्दै उपनिवेश अन्त्य नभए एसियाली बौद्धिकताले राजनीतिक प्रतिष्ठा प्राप्त गर्न चुनौती हुने उल्लेख गरेको थिएँ ।

नेपालमा कालापानीमा अर्ध सैनिक बल राखेर भारतले नेपालको ४०० वर्ग किलोमिटरभन्दा बढी जमिन कब्जा गरेको विषयलाई अन्तर्राष्ट्रियकरण गर्नु त परै जाओस् , नेपाल सरकारले द्विपक्षीय रूपमा पनि कुरा उठाउन नसकिरहेको परिप्रेक्ष्यमा बेजिङ्गको एक अन्तर्राष्ट्रियकरण मञ्चमा सुगौली सन्धिको विरोधमा भारतीय उपनिवेश कायम रहेको नेपाली जमिन स्वतन्त्र हुनुपर्छ भन्ने आवाज उठाउनु त्यसै पनि साधारण कुरा होइन ।

यसबाट सुगौली सन्धिमा गुमेको नेपालको करिब ६०००० वर्ग किलोमिटर जमिन भारतले फिर्ता गर्नुपर्ने नैतिक दबाब तीव्र रूपमा बढेर गएको छ , जुन नेपाल र नेपालीका निम्ति रोमाञ्चक कुरा हो ।

यस अवसरमा मलाई यो ऐतिहासिक अवसर प्रदान गर्ने बेजिङ्गका आयोजकप्रति आभार प्रकट गर्दै राष्ट्रवादी नेपाली जनताका तर्फबाट बेजिङ्गमा पुगेर नेपाली जनताको अन्तरात्माको आवाज मुखरित गर्न पाउँदा मेरो काँधमा थप जिम्मेवारी बढेको अनुभूति भएको र यसले मलाई झन् उत्साहित बनाएकोमा देशविदेशमा रहेका सबै नेपालीसमक्ष जस्तोसुकै प्रतिकूल परिस्थितिमा पनि दृढ भएर अगाडि बढ्ने सङ्कल्प गर्दछु ।

फणीन्द्र नेपाल

अध्यक्ष

ग्रेटर नेपाल राष्ट्रवादी मोर्चा