काठमाडौं– निजी क्षेत्रको तुलनामा सरकारी बैंकहरू सेवा र पफर्मेन्सको हिसाबले पछाडि हुन्छन् भन्ने आमबुझाइलाई तोड्दै सरकारी स्वामित्वको राष्ट्रिय वाणिज्य बैंक लिमिटेडले २०७५/७६ को चौथो त्रैमासिकसम्ममा ५ अर्ब ३२ करोड रुपैयाँ नाफा गरेको छ । यो नाफा दर बैंकिङ क्षेत्रमै अहिलेसम्मको सबैभन्दा धेरै हो ।

बैंकले अघिल्लो आर्थिक वर्षमा ३ अर्ब ६५ करोड रुपैयाँ नाफा गरेको थियो । बैंकले खुद ब्याज आम्दानी मात्रै १० अर्ब २२ करोड रुपैयाँ आर्जन गरेको छ । अघिल्लो वर्ष यस्तो आम्दानी ९ अर्ब ११ करोड रुपैयाँ थियो ।

बैंकका प्रमुख कार्यकारी अधिकृत किरणकुमार श्रेष्ठले सरकारी बैंक प्रतिस्पर्धामा जान सक्दैनन् भन्ने आम बुझाइलाई तोड्दै वाणिज्य बैंकले नेपालको बैंकिङ क्षेत्रमध्येकै अब्बल बनेर उदाहरण पेश गरेको बताएको खबर गोरखापत्र दैनिकमा भेषराज बेल्बसेले लेखेका छन् ।