मंसिर १४, २०८०
नारायण रायमाझी निर्देशित चलचित्र ‘परदेशी २’को प्रदर्शन नेपालमा अझै जारी छ । चलचित्रले शनिवार प्रदर्शनको ५१ दिन पूरा गर्दैछ । प्रकाश सपूत, केकी अधिकारी र वर्षा शिवाकोटी स्टारर यो चलचित्र...
काठमाडौं – करीब ३ वर्षअघि गायक दुर्गेश थापाको एउटा गीत निकै चर्चित भयो– 'कि दुर्गेश रेलमा, कि दुर्गेश जेलमा ।
सन् २०१६ को जुन २० तारिखमा दुर्गेशको आफ्नै युट्युब च्यानलमा अपलोड गरिएको भिडियो यो समाचार तयार पार्दासम्म ४३ लाख ६२ हजारभन्दा बढीपटक हेरिएको छ ।
काठमाडौंमा अहिलेसम्म रेल त आएको छैन, दुर्गेश थापालाई भने आफ्नै अर्को एउटा गीतले प्रहरी हिरासत (जेल भने होइन) सम्म पुर्याएको छ ।
किन पक्राउ परे दुर्गेश ?
हिन्दू नेपालीहरूको महत्त्वपूर्ण सांस्कृतिक तथा आध्यात्मिक पर्व तिहारलाई लक्षित गरी दुर्गेशले एउटा गीत निकालेका छन्– ‘ह्याप्पी तिहार, चिसो बीयर’ ।
तिहारजस्तो आध्यात्मिक पर्वमा बीयरको विज्ञापन गरेको भनेर सामाजिक रूपमा उनको आलोचना भइरहेकै थियो, यसबीचमा एक व्यक्तिले जिल्ला प्रशासन कार्यालयमा उजुरी समेत दिए ।
गीतमा कानूनले बर्जित गरेको गाँजाको समेत प्रचार गरिएको भन्दै उजुरी परेपछि प्रहरीले उनलाई मंगलवार नियन्त्रणमा लिएको छ ।
यद्यपि यो समाचार तयार पार्दासम्म दुर्गेशले उक्त गीत युट्युबबाट हटाइसकेका छन् ।
दुर्गेशलाई बालाजुबाट पक्राउ गरिएको महानगरीय अपराध महाशाखाका प्रमुख एसएसपी सहकूल थापाले जानकारी दिए ।
तिहारको उक्त गीतमा दुर्गेशले गाएका छन् –
डन आयो डन,
जा मूला भन्,
राजा हो राजा,
बजाइदिन्छ बाजा,
ए निकाल गाँजा,
खानुपर्छ आज !
गाँजा नेपालमा कानूनी रूपमै बर्जित छ ।
गीत हटाइसकेपनि उनीमाथि आवश्यक अनुसन्धान अघि बढ्ने एसएसपी थापाले लोकान्तरसँग बताए ।
गीत हटाउन तयार भएपछि उनी जेल नै त नजालान् तर उनले कमाएको प्रतिष्ठामा भने आँच पुगेको छ ।
तीजमा कमाएको लोकप्रियता दशैंमा आधा, तिहारमा खत्तम !
नेपाली हिन्दू नारीहरूको महान पर्व तीजलाई लक्षित गरी दुर्गेशले एउटा गीत बजारमा ल्याए– 'हामी पनि नाच्नुपर्छ बीच्च बीच्चमा' ।
तीज गीतको परम्परागत शैलीभन्दा केही बाहिर गएर ल्याइएको उक्त गीत दर्शकले निकै मन पराए ।
दुर्गेशकै च्यानलबाट अपलोड भएको उक्त गीत यो समचार तयार पार्दासम्म ९८ लाख २२ हजारभन्दा बढीपटक हेरिएको छ ।
त्यतिबेला निकै चर्चा कमाएको गीतलाई दुर्गेशले दशैंको अवधिमा 'छ माया छपक्कै' नामक फिल्म प्रमोशनमा प्रयोग गरे ।
उक्त कुरा धेरै दर्शकले मन पराएनन् । अझ 'यसपालि त दीपाश्री ब्याउने कुरा छ' भन्ने वाक्यांशको त चर्को आलोचना पनि भयो ।
तीजमा दुर्गेशले कमाएको लोकप्रियता दशैंमा आइपुग्दा आधा भइसकेको थियो ।
त्यसबाट पनि पाठ नसिकी दुर्गेशले कानूनलाई नै चुनौती दिँदै अराजक शैलीको गीत निकाले, जसले उनलाई प्रहरी हिरासतसम्म पुर्याएको छ ।
नारायण रायमाझी निर्देशित चलचित्र ‘परदेशी २’को प्रदर्शन नेपालमा अझै जारी छ । चलचित्रले शनिवार प्रदर्शनको ५१ दिन पूरा गर्दैछ । प्रकाश सपूत, केकी अधिकारी र वर्षा शिवाकोटी स्टारर यो चलचित्र...
‘लुट’ र ‘टलकजंग भर्सेस टुल्के’जस्ता प्रशंसित चलचित्रका निर्देशक निश्चल बस्नेतको चलचित्र ‘दिमाग खराब’ दोस्रो सातामा प्रदर्शन भइरहेको छ । २०७३ मा ‘लुट– २’...
ढुंगामाटोले बनेको घरको आँगनमा घरतर्फै फर्किएर केही मानिसहरू लाइन लागेका छन् । बार्दलीमा झुन्ड्याइएको ब्यानरमा लेखिएको छ, सक्किगोनि । ब्यानरको छेउमा उभिएका छन्, अर्जुन घिमिरे (पाँडे) । यो चर्चित ह...
‘चिसो हावाले’ बोलको गीत युट्युबमा सार्वजनिक गरिएको छ । आइतवार बेलुका अकलादेवी म्युजिकको अफिसियल युट्युब च्यानलबाट सार्वजनिक गीतमा सुरज अगस्ती, लक्ष्मी खड्का र ध्रुव रेग्मीको स्वर छ । ...
अस्ट्रेलियाको एक साङ्गीतिक कार्यक्रममा गायक सुगम पोखरेलले दर्शकलाई माइकले हानेका छन् । आइतवार बिहानैदेखि सामाजिक सञ्जालमा उक्त भिडियो भाइरल भइरहेका छन् । शुक्रवार राती नेपालमा गएको भूकम्पमा ज्यान गु...
हास्य कलाकार जोडी सीताराम कट्टेल ‘धुर्मुस’ र कुञ्जना घिमिरे ‘सुन्तली’ स्टेज शोमा फर्किएसँगै मेला–महोत्सवमा खोजिन थालेका छन् । अघिल्लो शनिवार कास्कीको लेखनाथ महोत्सवमा प्रस्तुति द...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...