मंसिर १८, २०८०
प्रत्येक भाषणमा पारदर्शिता र सुशासनको गफ लगाउने प्रधानमन्त्री पुष्पकमल दाहाल ‘प्रचण्ड’ले आफ्नो सचिवालयलाई निकै जम्बो बनाएको पाइएको छ । परिवारका सदस्यदेखि आफूनिकटका व्यक्ति समेत झन्डै ३ दर्जन बढीलाई निय...
कोरोना भाइरस संक्रमणको परीक्षणका लागि नमूना संकलन गर्न २ नम्बर प्रदेश सरकारसँग १० वटा किट मात्र रहेको छ ।
प्रदेश सरकार मातहत रहेको प्रादेशिक जनस्वास्थ्य प्रयोगशालामा १० वटा किट उपलब्ध गराइएको भएपनि अब ९ वटा किट मात्र सुरक्षित रहेको प्रयोगशालाका निर्देशक रामबिनय साहले बताए ।
राष्ट्रिय जनस्वास्थ्य प्रयोगशाला काठमाडौंले १० वटा किट उपलब्ध गराएको थियो । धनुषाको क्षिरेश्वरनाथ नगरपालिकाका २८ वर्षीय एक युवकको परीक्षणका लागि एउटा किट प्रयोग भएको उनले बताए ।
ती युवकमा कोरोना संक्रमण नभेटिएको निर्देशक साहले बताए । ‘थ्रोट र नेजल स्वाब संकलन गरेर काठमाडौंस्थित राष्ट्रिय जनस्वास्थ्य प्रयोगशालामा पठाएका थियौं । रिपोर्ट नेगेटिभ आएको छ,’ उनले भने ।
२०६८ सालको जनगणना अनुसार प्रदेशको जनसंख्या ५४ लाख ४ हजार १४५ छ । हाल त्यो संख्या बढेको छ तर यतिधेरै जनसंख्या रहेको प्रदेश सरकारसँग ९ वटा मात्रै किट मात्र बाँकी छ । कोरोनाको संक्रमण थोरै पनि फैलियो भने प्रदेश सरकारसँग नमूना संकलन गर्ने किटसम्म पर्याप्त छैन ।
प्रदेश सरकारसँग नमूना संकलन गर्न जाने स्वास्थ्यकर्मीले लगाउने पोशाक ‘पर्सनल प्रोटेक्सन इक्वीपमेन्ट’ (पीपीई) पनि छैन । ‘कुल २० थान मात्र पीपीई हामीसँग छ,’ प्रयोगशालाका ल्याब टेक्निसियन युगल किशोर यादवले लोकान्तरसँग भने, ‘राष्ट्रिय स्वास्थ्य प्रयोगशालाले १५ थान र प्रदेश सरकार अन्तर्गत सामाजिक विकास मन्त्रालयको स्वास्थ्य आपूर्ति व्यवस्थापन केन्द्रबाट ५ थान पीपीई प्रदान गरिएको छ ।’
खुट्टादेखि टाउकोसम्म छोपिने गरी एप्रोन, एन९५ मास्क, चश्मा, टोपी, पञ्जा, गमबुट सहितको सेटलाई पीपीई भनिन्छ । पीपीई सेटमा गमबुट समेत हुने भएपनि हालसम्म गमबुट नदिइएको उनले गुनासो गरे ।
नाम मात्रको प्रयोगशाला !
प्रदेश सरकार मातहत जनकपुरमा प्रादेशिक प्रयोगशाला स्थापना गरेको भएपनि प्रयोगशालामा परीक्षण नै हुँदैन । साविकमा जिल्ला जनस्वास्थ्य कार्यालय रहेको हालको स्वास्थ्य कार्यालय धनुषाको २ वटा कोठामा प्रयोगशाला कार्यालय खोलिएको छ तर कुनै पनि रोगको परीक्षण भने हुँदैन ।
‘कात्तिक ४ गते हाम्रो कार्यालय स्थापना भयो तर स्रोतसाधनको अभावमा प्रयोगशाला कक्ष बनाइएको छैन,’ निर्देशक साहले भने, ‘अहिले हामीसँग मातहतको अस्पताल वा स्वास्थ्य संस्थामा नै गएर नमूना संकलन गर्ने विकल्प मात्रै छ ।’
कोरोना संक्रमणको आशंकामा कोही बिरामी आए प्रादेशिक अस्पताल जनकपुरको आइसोलेसन वार्डमा पुगेर नमूना संकलन गर्नुपर्ने उनले बताए । ‘फेरि बिरामी एक ठाउँबाट अर्को ठाउँमा गए संक्रमण थप मानिसमा फैलिन सक्ने खतरा एकातर्फ छ भने प्रदेशका ८ वटै जिल्लामा गएर नमूना संकलन गर्न पनि सम्भव छैन,’ उनले भने, ‘एक त हामीसँग पर्याप्त जनशक्ति छैन, अर्कोतर्फ अन्य जिल्लामा पुगेर नमूना संकलनका लागि जान सवारीसाधन पनि छैन । हामी हतियार विनाका लडाकु जस्ता छौं ।’
प्रादेशिक प्रयोगशालामा १४ जनाको दरबन्दी छ । त्यसमध्ये ७ जना मात्र कार्यरत छन् । ५ जना प्राविधिक, १ जना लेखापाल र १ जना कार्यालय सहयोगी कार्यरत छन् । कार्यरत ५ जना प्राविधिकमध्ये २ जना प्राविधिक ल्याब टेक्निसियन गुणानन्द साह र रामउदगार यादव प्रादेशिक अस्पताल जनकपुरमा पहिलेदेखि नै काजमा छन् । त्यसकारण प्रयोगशालामा जनशक्ति पनि अभाव रहेको उनले बताए ।
कोरोना भाइरस जाँचको नमूना संकलन गर्न राष्ट्रिय जनस्वास्थ्य प्रयोगशालाले प्रादेशिक प्रयोगशालाका २ जना प्राविधिकलाई बोलाएर तालिम भने दिएको छ ।
भेन्टिलेटर विनाका आइसोलेसन वार्ड
प्रदेशभित्रका अस्पताल नारायणी अस्पताल वीरगञ्जमा ५० शय्या, गजेन्द्रनारायण सिंह सगरमाथा अस्पताल राजविराजमा ३ शय्या, नेसनल मेडिकल कलेज वीरगञ्जमा ५ शय्या, जानकी मेडिकल कलेजको रमदैयास्थित अस्पतालमा ६० र जनकपुरस्थित सिटी अस्पतालमा २० शय्या, प्रादेशिक अस्पताल जनकपुरमा ३ शय्याको आइसोलेसन वार्डको व्यवस्था मिलाइएको प्रदेश स्वास्थ्य निर्देशनालयका सहनिर्देशक विजयकुमार झाले बताए ।
कोरोना भाइरस संक्रमणको आशंका लागेमा वा पुष्टि भएमा उपचारका लागि राखिने वार्डलाई आइसोलेसन वार्ड भनिन्छ । आइसोलेसन वार्डमा राख्दा भेन्टिलेटर सहितको सघन उपचार कक्ष (आईसीयू) हुनुपर्छ तर प्रदेश सरकारले गरेको तयारी भने गफमा मात्रै सीमित छ । ती आइसोलेसन वार्डमध्ये सबैमा भेन्टिलेटर सहितको आईसीयू छैन । जानकी मेडिकल कलेजको रमदैयामा सरकारले ६० शय्या छुट्याइएको दाबी गरेको छ तर त्यहाँ २ वटा भेन्टिलेटर मात्र सञ्चालनमा रहेको अस्पतालको इमर्जेन्सी कक्षका इन्चार्ज उमेश यादवले लोकान्तरलाई जानकारी दिए ।
मेडिकल कलेजको जनकपुरस्थित सिटी अस्पतालमा २० शय्या छुट्याइएको सरकारको दाबी छ तर त्यहाँ ९ वटा भेन्टिलेटर मात्रै रहेको इन्चार्ज यादवले बताए । त्यो ९ मध्ये २ वटा मात्र सञ्चालनमा रहेको र अन्य बिग्रेको उनले बताए ।
कोरोना भाइरसविरुद्ध लडाइँ लड्नका लागि प्रदेश सरकारसँग कुनै गतिलो हतियार नै छैन । भएका स्रोतसाधन र जनशक्ति पहिलेदेखि नै उपचाररत बिरामीमा प्रयोग भइरहेकाले कोरोनाविरुद्ध छुट्टै स्रोतसाधन र जनशक्ति देखिँदैन । स्वास्थ्य निर्देशक झा भने कोरोनाविरुद्ध लडाइँको तयारी गर्दै अगाडि बढ्ने बताउँछन् ।
प्रत्येक भाषणमा पारदर्शिता र सुशासनको गफ लगाउने प्रधानमन्त्री पुष्पकमल दाहाल ‘प्रचण्ड’ले आफ्नो सचिवालयलाई निकै जम्बो बनाएको पाइएको छ । परिवारका सदस्यदेखि आफूनिकटका व्यक्ति समेत झन्डै ३ दर्जन बढीलाई निय...
संसदीय लोकतन्त्रलाई आदर्श मान्ने नेपाली कांग्रेसका सभापति एवं संसदीय दलका नेता शेरबहादुर देउवादेखि नयाँ दलको रूपमा उदाएको रास्वपाका सांसद स्वर्णिम वाग्ले तथा शिशिर खनालसम्मले महिनामा एकदिन पनि हाजिरी नग...
नेपाल पर्यटन तथा होटल व्यवस्थापन प्रतिष्ठान (नाथम)का प्रिन्सिपल रामकैलाश बिछाको स्नातकोत्तरको शैक्षिक प्रमाणपत्र नक्कली रहेको आरोप त्यहाँ कार्यरत शिक्षकहरूले लगाएका छन् । संस्कृति, पर्यटन तथा नागरिक उड्डयन मन्त्...
मकवानपुरको साबिक हर्नामाडी गाविसका रुद्रप्रसाद खतिवडाले २०८० साल कात्तिक २३ गते यातायात कार्यालय चितवनबाट 'ए' र 'बी' वर्ग (मोटरसाइकल, स्कूटर कार, जीप, भ्यान)को लाइसेन्स नवीकरण गराएका छन्...
कार्यक्रम : राष्ट्रपति, उपराष्ट्रपतिसहित भीभीआईपीहरूको लर्को लागेको एउटा भव्य विवाह समारोह । मिति : २०८० साल, मंसिर २९ गते, शुक्रवार स्थान : गोकर्ण रिसोर्ट, काठमाडौं । (पाँच तारे स्तरको डिलक्स रिसोर्ट) ...
यातायात व्यवस्था विभागका उच्च अधिकारी, विभिन्न यातायात कार्यालयका प्रमुख तथा कर्मचारी र बिचौलियाको मिलेमतोमा झन्डै ३० हजार अवैध लाइसेन्स जारी भएको पाइएको छ । विगत ६ महिनायता लिखित र ट्रायल परीक्षा नै...
नेपाली कम्युनिस्ट आन्दोलन कतिपटक विभाजन भयो ? पुनः एकता, मोर्चा गठन, विघटनलाई हेर्दा यसको जोडघटाउको लामै शृङ्खला बन्छ । र, त्यसमा मूलधारको राजनीतिबाट विभाजित कम्युनिस्ट पार्टी अर्थात् वामपन्थी पार्टीहरूको विसर्...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...