कपिलवस्तुमा नेपाल विद्युत प्राधिकरणको गाडी स्थानीय मोतीपुर खोलाले बगाउँदा १ जनाको मृत्यु भएको छ । यस्तै अरु दुई जना बेपत्ता भएका छन् । जिल्ला प्रहरी कार्यालय कपिलवस्तुका अनुसार वाणगंगा नगरपालिकास्थित मोतीपुर खोलाले बा १ ञ १०८९ नम्बरको गाडी बाढीले बगाउँदा चालक माधव पाण्डेको मृत्यु भएको हो । यसैगरी विद्युत प्राधिकरण जीतपुर वितरण केन्द्रका इन्चार्ज कृष्ण पौडेल र शितगंगा नगरपालिका वडा नम्बर १३ का केशव प्रसाद भाट बेपत्ता भएको जिल्ला प्रहरी कार्यालय कपिलवस्तुका प्रमुख नवराज अधिकारीले जानकारी दिए । 

प्राधिकरणको आधिकारिक ट्रेड युनियन राष्ट्रिय कर्मचारी युनियन प्रदेश ५ की अध्यक्ष कल्पना थापाले कडेरिया भन्ने ठाउँमा ट्रान्सफर्मर मर्मत गरेर फर्किदै गरेको गाडी गाडी बाढीले बगाएको बताइन् । गाडीमा ६ जना सवार थिए । अन्य तीन जना भने हाम फालेर बाँच्न सफल भएका छन्  ।