मंसिर ४, २०८०
कर्मचारीलाई तलब खुवाउन समेत नसक्ने अवस्थाबाट गुज्रेको नेपाल वायु सेवा निगम (एनएसी)ले आर्थिक अवस्था सुधारेर अन्तर्राष्ट्रिय उडानका लागि विमान खरिद गर्दा लिएको ऋणको किस्ता तिर्न शुरू गरेको छ । लामो समय घाटामा रहे...
दशैं बिदामा आन्तरिक पर्यटकहरू चलमलाएसँगै अहिले होटल पर्यटन क्षेत्र निकै उत्साहित छ । घुम्न जाने पर्यटकहरूले होटल खचाखच छन् ।
बुधवारसम्म सौराहाको होटल रिभरसाइडमा पर्यटकको निकै चाप थियो । घटस्थापनाको दिनदेखि नै होटलमा पाहुना ठूलो संख्यामा आएको होटलका म्यानेजिङ डाइरेक्टर मनिस गिरीले लोकान्तरसँग बताए ।
अहिले सौराहाका अधिकांश होटलहरूमा ८० प्रतिशतभन्दा बढी कोठाहरू भरिएका छन् । सौराहामा अहिले काठमाडौं र पोखराबाट बढी मात्रामा घुम्न गएका छन् ।
‘दशैं बिदाको अवसर पारेर काठमाडौं र पोखराबाट बढी मात्रामा घुम्न आउनुभएको छ,’ होटलका म्यानेजिङ डाइरेक्टर गिरीले भने ।
उनका अनुसार भैरहवा र हेटौंडाबाट पनि पर्यटकहरू सौराहा पुगेका छन् ।
घुम्न गएकाहरूमध्ये प्रायः एक रातका लागि छन् । गिरी भन्छन्, ‘एक जोडीले एक रातमा करीब ३ देखि ५ हजारसम्म खर्च गर्नुभएको छ, यो राम्रो हो ।’
होटलमा दशैं र दशैंको भोलिपल्टका लागि निकै धेरै बुकिङ भएको उनले बताए । ‘टीकाको दिनमा अहिलेसम्म ६० प्रतिशत र भोलिपल्टलाई ८० प्रतिशतसम्म बुकिङ भएको छ,’ उनले भने ।
उनका अनुसार कोरोना महामारी आउनुपूर्व दशैं बिदामा अधिकांश होटलमा ९० प्रतिशतभन्दा बढी ‘अकुपेन्सी’ हुन्थ्यो । अहिले केही मात्रामा घटेको छ । यद्यपि होटल व्यवसायीहरू अहिले निकै आशावादी छन् ।
होटल संघ चितवनका अनुसार अहिले सौराहामा आन्तरिक पर्यटन विगतका दिनहरूभन्दा राम्रो छ । यद्यपि विगतका वर्षहरूमा भन्दा राम्रो हुन अझै समय लाग्ने देखिन्छ ।
होटल संघ चितवन अध्यक्ष दीपक भट्टराईले अहिले समग्रमा सौराहामा ४० देखि ४५ प्रतिशतसम्मको ‘अकुपेन्सी’मा होटल चलिरहेको लोकान्तरलाई जानकारी दिए ।
उनका अनुसार विगतमा यस समयमा ७० देखि ८० प्रतिशतसम्म ‘अकुपेन्सी’ हुन्थ्यो । विगतमा फूलपातीको दिनदेखि नै चहलपहल बढ्ने गरेको भए पनि अहिले त्यस्तो नभएको उनले सुनाए ।
‘टीकाको दिनदेखि भने ४० प्रतिशतभन्दा बढी बुकिङ भइसकेको छ, टीकाको दिन पनि धेरै पर्यटक आउँछन् भन्नेमा हामी आशावादी छौँ,’ उनले भने ।
विगतमा व्यस्त हुने पोखराको होटल हिमालयन इनमा अहिले धेरै पर्यटक पुग्न सकेका छैनन् ।
जति पुगेका छन्, त्यो संख्या न्यून छ । अर्थात अहिले १० प्रतिशत अकुपेन्सीमा होटल चलिरहेको होटल हिमालयन इनका अपरेसन म्यानेजर जीपी शर्मा बताउँछन् ।
उनको होटलमा पर्यटकहरू त्यति पुगेका छैनन् । पुगेकाहरू सीमित छन् ।
काठमाडौंबाट धेरै संख्यामा पर्यटक गएका छन् भने पूर्वका जिल्लाहरूबाट पनि होटल हिमालयन इनमा पाहुना आएका छन् ।
तर, यस वर्षको दशैंमा सोचेजस्तो हुन नसकेको होटलका अपरेसन म्यानेजर शर्मा बताउँछन् ।
‘हाम्रो होटलमा काठमाडौंबाट धेरै र झापा, मोरङ, सुनसरीबाट आएका छन् । २ दिनभन्दा बढी उनीहरू बसेका छैनन्,’ उनी भन्छन्,‘यसपालि सोचेजस्तो अवस्था छैन ।’
पोखरामा अहिले प्रायः समूहमा घुम्न जानेहरू धेरै छन् । विगतमा धेरै मात्रामा घुम्न जाने नवविवाहित, प्रेम जोडी तथा परिवारहरू अहिले पोखरामा कम पुगेका छन् । तर समूहमा जानेहरूको संख्या भने निकै राम्रो छ ।
सरदरमा पोखराका होटलहरू अहिले ५० प्रतिशत अकुपेन्सीमा चलिरहेका छन् ।
‘कि त एकदमै सस्तोमा दिनेहरूमा गेष्ट बढी छन्, कि त हाइ रेट हुनेहरूले घटाएका छन्, त्यता पाहुनाहरू बढी छन् । बीचमा हुने हामीहरूको बिजनेस छैन,’ होटल हिमालयन इनका अपरेसन म्यानेजर शर्माले भने ।
विगतमा तनहुँको बन्दीपुरमा पर्यटकको भीड लाग्ने गर्दथ्यो । पोखरा जाने पर्यटकहरू पनि पहिले बन्दीपुर पुगेर जान्थे । तर कोरोना महामारीपछिको बन्दीपुर अहिले सुनसान जस्तै छ ।
अहिले सो क्षेत्रमा घुम्न जाने आन्तरिक पर्यटकहरू निकै न्यून रहेको होटल संघ तनहुँका अध्यक्ष राम जोशी बताउँछन् ।
उनका अनुसार समग्र तनहुँको होटलहरू अहिले करीब ४० प्रतिशत मात्रै अकुपेन्सीमा चलिरहेका छन् ।
विगतको दशैंमा यो ‘अकुपेन्सी’ झण्डै १०० प्रतिशतकै हाराहारीमा पुग्ने गथ्र्यो ।
अध्यक्ष जोशी भन्छन्, ‘अहिले तनहुँको अवस्था पर्यटक नभएको पनि होइन तर विगतको जस्तो पनि छैन ।’
बन्दीपर घुम्न जानका लागि बुकिङ पनि निकै कम भइरहेको उनी सुनाउँछन् । उनका अनुसार तनहुँका होटलहरूमा जम्मा १० प्रतिशतसम्म मात्रै बुकिङ भइरहेका छन् ।
यता धुलिखेलका होटलहरूमा पनि आन्तरिक पर्यटकको चहलपहल बढेको छ ।
काठमाडौं उपत्यकाबाट केही मात्रामा पर्यटकहरू धुलिखेल पुगेको होटल संघ काभ्रेका अध्यक्ष प्रेमकान्त श्रेष्ठ बताउँछन् ।
‘अष्टमी र नवमीको दिन होटलमा बस्ने र टीकाको दिन घर फर्कनेहरू धेरै छन्,’ लोकान्तरसँग उनले भने ।
उनका अनुसार अहिले धुलिखेलका होटलहरू प्रायः ४० प्रतिशतको ‘अकुपेन्सी’मा चलिरहेका छन् । कोरोना महामारी शुरू हुनुपूर्व ४० देखि ५० प्रतिशत अकुपेन्सीसम्म दशैंको समयमा धुलिखेलका होटलहरू सञ्चालन हुने गरेका थिए ।
यता काठमाडौं उपत्यकाको चर्चित पर्यटकीय ठाउँ नगरकोट अहिले सुनसान छ । दशैंमा प्रायले उपत्यका छाड्ने हुँदा नगरकोट अहिले सुनसान रहेको होटल संघ भक्तपुरका अध्यक्ष सत्यराम सुवालले जानकारी दिए ।
कर्मचारीलाई तलब खुवाउन समेत नसक्ने अवस्थाबाट गुज्रेको नेपाल वायु सेवा निगम (एनएसी)ले आर्थिक अवस्था सुधारेर अन्तर्राष्ट्रिय उडानका लागि विमान खरिद गर्दा लिएको ऋणको किस्ता तिर्न शुरू गरेको छ । लामो समय घाटामा रहे...
प्रत्येक वर्ष वैशाख शुक्ल पूर्णिमा दिन मनाइँने बुद्धजयन्ती एवं लुम्बिनी दिवसको तयारी शुरू भएको छ । संस्कृति, पर्यटन तथा नागरिक उडड्यन मन्त्रालयअन्तर्गत रहेको लुम्बिनी विकास कोषले बुद्धजयन्ती एवं लुम्बिनी दिवसका रुपमा...
काठमाडौंको चण्डोल घर भएका कामोद ढुंगाना २०८० असार ३१ गते वुलिङ एयरको विद्युतीय गाडी (ईभी) किन्न नयाँ बानेश्वरस्थित बज्र ग्रुपको इभी-नेपाल मोटर्स प्रालि पुगेका थिए । अंकित मूल्य (एमआरपी) ३० लाख ९९ हजार रुप...
काभ्रेपलाञ्चोकको पाँचखाल नगरपालिकाका प्रमुख महेश खरेलले झन्डै १ अर्बको प्रोजेक्टमा नेपाल महिला उद्यमी महासंघसँगको पूर्वसम्झौता उल्लंघन गर्दै आफ्नी जेठीसासू अध्यक्ष रहेको संस्थासँग सम्झौता गरेको पाइएको छ । महिला ...
नेपाल विद्युत् प्राधिकरणका प्रबन्ध निर्देशक कुलमान घिसिङले विश्व बैंकको लगानी रहेको ढल्केबर सबस्टेसन निर्माणका क्रममा आफ्नो स्वार्थ जोडिएको कम्पनीलाई कानूनविपरीत ठेक्का दिएको पाइएको छ । करिब ४ करोड बराबरको...
एक वर्षको बीचमा भएको १३८ किलो सुन तस्करीका नाइके जीवनकुमार गुरुङ हाल अर्थ मन्त्रालय मातहत रहेको भन्सार विभागको हिरासतमा छन् । लामो समय फरार रहेका गुरुङलाई यही फागुन १४ गते काठमाडौंको सामाखुशी क्षेत्रबाट ...
यतिबेला नेपालको राजनीति बहुचर्चित सहकारी प्रकरण र यसमा संलग्न व्यक्तिउपर छानबिन तथा कारबाहीका लागि संसदीय समिति गठन हुने कि नहुने भन्ने विषयमा केन्द्रित छ । यो विषय यति पेचिलो हुनुको कारण बहालवाला गृहमन्त्री...
सृष्टिमा हरेक चीजको एउटा अति हुन्छ, जसलाई हामी सीमा भन्ने गर्छौँ, जलाई उसले आउँदा सँगै लिएर आएको हुन्छ र जेजति गर्छ यसैभित्रै रहेर गर्छ । अति पार गर्नासाथ उसको अस्तित्व पनि समाप्त हुन पुग्छ । अति पार गरेपछि नदी...
नेपाली कम्युनिस्ट आन्दोलन कतिपटक विभाजन भयो ? पुनः एकता, मोर्चा गठन, विघटनलाई हेर्दा यसको जोडघटाउको लामै शृङ्खला बन्छ । र, त्यसमा मूलधारको राजनीतिबाट विभाजित कम्युनिस्ट पार्टी अर्थात् वामपन्थी पार्टीहरूको विसर्...