मंसिर २५, २०८०
दाङको तुलसीपुर उपमहानगरपालिका वडा नम्बर– १९ बिजौरीका २२ वर्षीय युवक प्रतीक पुनमाथि परिवारको ठूलो जिम्मेवारी थियो । दुवै मिर्गौला फेल भएर बाबा ताराप्रसाद पुनको एक वर्षअघि मृत्यु भएपछि लागेको ...
कात्तिक १८, २०७८
मंगलवार दिउँसोबाट चितवनको भरतपुर महानगरपालिकामा विद्युत् आपूर्ति रोकियो ।
त्यहाँको १३२/११ बसेनी ग्रीड सबस्टेसनको पावर ट्रान्सफर्मरहरूमा समस्या आएपछि महानगरपालिकाको १ देखि १३ तथा २९ नम्बर वडा तथा तनहुँको देवघाट क्षेत्रमा समेत विद्युत् आपूर्ति रोकियो ।
तिहारको मुखमा विद्युत् आपूर्तिमा अवरोध आएपछि प्राधिकरणले प्राथमिकताका साथ मर्मतको काम गर्यो ।
बिग्रिएको ट्रान्सफर्मर हटाएर २२.५ एमभीएको अर्को पावर ट्रान्सफर्मर जडान गर्न प्राधिकरणलाई लामै समय लाग्यो ।
जसले गर्दा प्राधिकरणका कार्यकारी निर्देशक कुलमान घिसिङ, प्रसारण निर्देशनालयका उपकार्यकारी निर्देशक दीर्घायूकुमार श्रेष्ठसहितको टोलीले मर्मतको स्थलगत निरीक्षण समेत गरे ।
शनिवार बिहानैदेखि सबस्टेसनमा रहेको २ वटामध्ये एउटा ट्रान्सफर्मरमा समस्या देखिएको थियो ।
अर्कोमा पनि मंगलवारदेखि समस्या देखिएपछि भरतपुर क्षेत्रमा विद्युत आपूर्ति बन्द भएको थियो ।
प्राधिकरणका अनुसार सो क्षेत्रमा बत्ती जाँदा करीब ५५ हजार ग्राहक विद्युत सेवाबाट वञ्चित भएका थिए ।
३६ घण्टापछि सो क्षेत्रमा बिजुली बलेको प्राधिकरणले जनाएको छ ।
बत्तीहरूको पर्व मानिएको तिहार शुरू हुँदै गर्दा भरतपुरमा सो समस्या आएपनि तिहार अवधिभर समस्या नआउने प्राधिकरणले बताएको छ ।
विभिन्न समस्याले अरू दिनमा विद्युत् आउने–जाने भइरहेपनि तिहारको समयमा भने त्यस्तो नहुने प्राधिकरणका सिस्टम अपरेसनका निर्देशक एवं प्रवक्ता सुरेशबहादुर भट्टराई बताउँछन् ।
उनले लक्ष्मी पूजामा सामान्य अवस्थामा भन्दा केही बढी विद्युत् खपत हुने भन्दै यसबाट प्रणालीमा कुनै समस्या नपर्ने बताए ।
उनका अनुसार प्राधिकरणले लक्ष्मी पूजामा ग्राहकहरूबाट करीब १२ सय मेगावाट विद्युत् खपत हुने प्रक्षेपण गरेको छ ।
तिहारमा उद्योगधन्दा तथा कलकारखाना बन्द रहने भएकाले औद्योगिक लोड नपर्ने उनले बताए ।
‘यस समयमा औद्योगिक तथा व्यापारिक लोड कम हुन्छ, सामान्य अवस्थामा भन्दा केही बढी घरायसी खपत हुन्छ,’ लोकान्तरसँग उनले भने ।
सामान्य अवस्थामा पिक आवरमा १४ सयदेखि १५ सय मेगावाटको हाराहारीमा विद्युत् खपत भएको सुनाउँदै उनले बुधवार (लक्ष्मी पूजाको दिन) भने १२ सय मेगावाट विद्युत् खपत हुने अनुमान गरिएको बताए ।
आफ्नै उत्पादनले धान्छ माग
विगतमा तिहारका समयमा केही मात्रामा विद्युत् भारतबाट आयात गर्नुपर्ने अवस्था रहेको थियो ।
तर यसपटक भने नेपालको आफ्नै उत्पादनले माग धान्ने देखिन्छ ।
गत असारदेखि नै मुलुकमा विद्युतको उत्पादन बढी, खपत कम हुँदै आएको अवस्था छ ।
अहिले खपत केही बढी भएमा पनि भारतबाट आयात गर्नु नपर्ने प्राधिकरण बताउँछ ।
प्राधिकरणका प्रवक्ता भट्टराईले अहिले औद्योगिक लोड नहुने भएका कारण विद्युत्को खपत कम नै हुने बताए ।
उनले भने, ‘तिहार बत्तीको पर्व हो, तर खपत चाहिँ कम हुन्छ । त्यसकारण आयात गर्नुपर्ने अवस्था रहेको छैन ।’
तिहार अवधिभर कतै बत्ती जाँदैन
प्राधिकरणले तिहारको समयमा ग्राहकहरूको चाहनालाई मध्यनजर गर्दै विद्युत् आपूर्तिमा अवरोध नहुने बताएको छ ।
‘विभिन्न किसिमका मर्मत तथा अपग्रेडका कामहरू अस्तिदेखि नै हामीले रोकिसकेका छौँ, अहिले विना अवरोध विद्युत् आपूर्ति हुन्छ,’ प्रवक्ता भट्टराई बताउँछन् ।
उनका अनुसार तिहारको समयमा कतै पनि विद्युत आपूर्ति नरोक्न प्राधिकरणले सम्बन्धित सबै निकायलाई सूचना पठाइसकेको छ ।
केही दिन अघिसम्म तिहारलक्षित मर्मतका काम गरेको भएपनि अहिले मर्मत सम्भारका काम रोकेको उनले सुनाए ।
समस्या आए फोन गरौँ, एकपटक नलागे पटक–पटक गरौँ
प्राधिकरणले तिहारमा विद्युत् आपूर्तिमा समस्या आउन नदिन सबै नोडाल कार्यालयहरूमा निर्देशन दिइसकेको छ ।
यति हुँदाहुँदै पनि कुनै समय विद्युत् रोकिएमा तत्कालै नजिकैको विद्युत वितरण केन्द्रमा फोन गरेर समस्या टिपाउन उनले आग्रह गरे ।
उनले सकभर विद्युत् नजाने र गइहालेमा तुरुन्तै बनाउनका लागि सम्बन्धित कर्मचारीलाई तयारी अवस्थामा राखिएको समेत सुनाए ।
‘सबै स्रोतहरूलाई परिचालन गर्न तयारी अवस्थामा राखिएको छ,’ उनले भने, ‘मोबाइल फोन डिस्टर्ब हुन सक्छ, एकचोटि लागेन भने दोस्रो वा तेस्रोपटकसम्ममा पनि लाग्न सक्छ ।
विद्युत आपूर्तिमा समस्या भयो भने फोन गरेर जानकारी गराउनुहोला ।’
तिहारलाई झिलिमिली बनाउनका लागि विद्युत ढुक्क भएर प्रयोग गर्न उनले उपभोक्तामा आग्रह गरे ।
दाङको तुलसीपुर उपमहानगरपालिका वडा नम्बर– १९ बिजौरीका २२ वर्षीय युवक प्रतीक पुनमाथि परिवारको ठूलो जिम्मेवारी थियो । दुवै मिर्गौला फेल भएर बाबा ताराप्रसाद पुनको एक वर्षअघि मृत्यु भएपछि लागेको ...
जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए । सोमवार अपरान्ह उनको शव लिएर मलामी...
सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...
जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो । जिल्ला प्रहरी कार्यालय जाजरकोटका ...
यतिबेला नेपालको राजनीति बहुचर्चित सहकारी प्रकरण र यसमा संलग्न व्यक्तिउपर छानबिन तथा कारबाहीका लागि संसदीय समिति गठन हुने कि नहुने भन्ने विषयमा केन्द्रित छ । यो विषय यति पेचिलो हुनुको कारण बहालवाला गृहमन्त्री...
सृष्टिमा हरेक चीजको एउटा अति हुन्छ, जसलाई हामी सीमा भन्ने गर्छौँ, जलाई उसले आउँदा सँगै लिएर आएको हुन्छ र जेजति गर्छ यसैभित्रै रहेर गर्छ । अति पार गर्नासाथ उसको अस्तित्व पनि समाप्त हुन पुग्छ । अति पार गरेपछि नदी...
नेपाली कम्युनिस्ट आन्दोलन कतिपटक विभाजन भयो ? पुनः एकता, मोर्चा गठन, विघटनलाई हेर्दा यसको जोडघटाउको लामै शृङ्खला बन्छ । र, त्यसमा मूलधारको राजनीतिबाट विभाजित कम्युनिस्ट पार्टी अर्थात् वामपन्थी पार्टीहरूको विसर्...