बैशाख १८, २०८१
प्रत्येक वर्ष वैशाख शुक्ल पूर्णिमा दिन मनाइँने बुद्धजयन्ती एवं लुम्बिनी दिवसको तयारी शुरू भएको छ । संस्कृति, पर्यटन तथा नागरिक उडड्यन मन्त्रालयअन्तर्गत रहेको लुम्बिनी विकास कोषले बुद्धजयन्ती एवं लुम्बिनी दिवसका रुपमा...
मंसिर ८, २०७८
नेपालमा कोरोनाभाइरस (कोभिड– १९) महामारी केही कम भएपनि होटल व्यवसाय अझै लयमा फर्किन सकेको छैन ।
महामारी कम भएपछि एकदमै कम ग्राहकको भरमा होटल चलाइराख्नुपरेको व्यवसायीहरू बताउँछन् ।
अहिले विवाहको सिजन शुरू भएर केही राहत महशुस भए पनि विदेशी पर्यटक नभित्रिँदासम्म अवस्था सामान्य नहुने व्यवसायीहरूको भनाइ छ ।
कोरोना नियन्त्रणका लागि सरकारले विभिन्न समयमा जारी गरेका निषेधाज्ञा र त्यसपछि पनि विदेशी पर्यटकको संख्या नगण्य रहेकाले होटलहरूले ठूलो क्षति बेहोर्नुपरेको छ ।
पर्यटकीय होटलहरूको छाता संगठन होटल एसोसिएसन नेपाल (हान)का अनुसार अहिले सञ्चालनमा रहेका ठूला होटलहरूको अवस्था ९२ प्रतिशतदेखि ९५ प्रतिशतसम्म ऋणात्मक छ ।
२०१९ को तुलनामा २०२० मा यस्ता होटलहरूको अवस्था ९० प्रतिशतभन्दा बढी ऋणात्मक देखिएकोमा अहिले बढेर ९५ प्रतिशतसम्म पुगेको आकलन गरिएको हानका प्रमुख कार्यकारी अधिृकत (सीईओ) टेक महतले जानकारी दिए ।
‘२०२१ मा आइपुग्दा अहिले बन्द भएको होटलबाहेक अरूमा झनै बढेर ९२ देखि ९५ प्रतिशत सञ्चालनमा आउन सकेका छैनन्,’ उनले लोकान्तरसँग भने ।
होटलहरूले नाफा नोक्सानको विवरण हानलाई नदिने भन्दै उनले हालसम्म कति नोक्सानी भयो भन्ने यकिन तथ्यांक भने नरहेको बताए ।
होटलका ५० प्रतिशत श्रमिक घरमै, ३० प्रतिशतले छाडे जागिर
कोरोनाका कारण होटल तथा पर्यटन क्षेत्र ठप्प हुँदा ८० प्रतिशत होटल मजदुर प्रभावित बनेको एक मजदुर संगठनले जनाएको छ ।
सो अवधिमा ५० प्रतिशत मजदुर घरमै बिदामा बस्नुपरेको र ३० प्रतिशत मजदुरले भने जागिर नै छाडेर अन्य पेशा रोजेको नेपाल स्वतन्त्र होटल क्यासिनो तथा रेष्टुरेन्ट मजदुर युनियनका केन्द्रीय अध्यक्ष सूर्यबहादुर कुँवरले लोकान्तरलाई जानकारी दिए ।
उनका अनुसार, घरमा बस्ने ५० प्रतिशतमध्ये ठूला होटलका श्रमिकले केही मात्रामा सेवासुविधा पाएका छन् । यद्यपि साना होटलका मजदुरहरू भने सेवासुविधाविहीन छन् ।
घरमै रहेको ५० प्रतिशत मजदुरले होटलमा अहिले काम पाउने अवस्था नरहेको उनले जानकारी दिए ।
अध्यक्ष कुँवर भन्छन्, ‘अहिले निकै न्यून अकुपेन्सीमा होटल चलिरहेका छन्, जसले गर्दा सबै मजदुरले काम पाएको अवस्था छैन । घरमै बसेका ५० प्रतिशत मजदुर राजीनामा नदिएका र काम गर्न नगएका/नपाएका मजदुरहरू हुन् ।’
यता होटल एसोसिएसन नेपालले समग्रमा पर्यटकीय होटलमा प्रत्यक्ष तथा अप्रत्यक्ष रूपमा आवद्ध भएकामध्ये २ लाख मजदुरहरू प्रभावित भएको जनाएको छ ।
२ लाख मजदुरमध्ये ४० देखि ५० हजार प्रत्यक्ष रूपमा काम गर्ने मजदुर प्रभावित भएको हानका सीईओ टेक महतले लोकान्तरलाई जानकारी दिए ।
‘रेकर्ड भएका नभएकाहरू, पर्यटकीय होटल क्षेत्रमा काम गर्ने २ लाख मजदूरहरू प्रभावित भएको आकलन गरिएको छ,’ सीईओ महतले लोकान्तरसँग भने, ‘यीमध्ये कोही अर्को पेशामा लागेका छन् भने कोही रोजगारविहीन भएका छन् ।’
बिहेको सिजनले केही राहत
मंसिर महिना शुरू भइसकेकाले अहिले प्रायः होटलहरूमा विवाहका कार्यक्रम हुन थालेको छ ।
जसबाट होटल क्षेत्रले केही राहत महशुस गरेको होटलका कर्मचारीहरू बताउँछन् ।
सोल्टी होटलका ‘भाइस प्रेसिडेन्ट’ सुदर्शन चापागाईंले भने, ‘अहिले २० देखि २५ प्रतिशतसम्मको अकुपेन्सीमा होटल चलिरहेको छ । अहिले बिहेको सिजन भएकाले केही चलिरहेको देखिन्छ ।’
विवाहको सिजन शुरू भएसँगै होटल याक एण्ड यतिमा पनि थप चहलपहल देखिएको त्यहाँका कर्मचारीहरू बताउँछन् ।
होटल याक एण्ड यतिका एक कर्मचारीले भने, ‘अहिले विवाहको सिजन भएकाले केही चहलपहल बढेको छ, तर विदेशी पर्यटक नआएसम्म अवस्था सामान्य हुने देखिन्न ।’
कोरोना महामारी विस्तारै कम हुँदै गएपनि विश्व बजारमा यसको त्रास हटिसकेको छैन ।
नेपालका ठूला होटलहरू यतिखेर विदेशी पर्यटकको प्रतीक्षा गरिरहेका छन् ।
विदेशी पर्यटन नआएसम्म ठूला होटलहरूको अवस्था नसुध्रने होटल सञ्चालकहरूको बुझाइ छ ।
प्रत्येक वर्ष वैशाख शुक्ल पूर्णिमा दिन मनाइँने बुद्धजयन्ती एवं लुम्बिनी दिवसको तयारी शुरू भएको छ । संस्कृति, पर्यटन तथा नागरिक उडड्यन मन्त्रालयअन्तर्गत रहेको लुम्बिनी विकास कोषले बुद्धजयन्ती एवं लुम्बिनी दिवसका रुपमा...
एक वर्षको बीचमा भएको १३८ किलो सुन तस्करीका नाइके जीवनकुमार गुरुङ हाल अर्थ मन्त्रालय मातहत रहेको भन्सार विभागको हिरासतमा छन् । लामो समय फरार रहेका गुरुङलाई यही फागुन १४ गते काठमाडौंको सामाखुशी क्षेत्रबाट ...
काठमाडौंको चण्डोल घर भएका कामोद ढुंगाना २०८० असार ३१ गते वुलिङ एयरको विद्युतीय गाडी (ईभी) किन्न नयाँ बानेश्वरस्थित बज्र ग्रुपको इभी-नेपाल मोटर्स प्रालि पुगेका थिए । अंकित मूल्य (एमआरपी) ३० लाख ९९ हजार रुप...
काभ्रेपलाञ्चोकको पाँचखाल नगरपालिकाका प्रमुख महेश खरेलले झन्डै १ अर्बको प्रोजेक्टमा नेपाल महिला उद्यमी महासंघसँगको पूर्वसम्झौता उल्लंघन गर्दै आफ्नी जेठीसासू अध्यक्ष रहेको संस्थासँग सम्झौता गरेको पाइएको छ । महिला ...
यामाहाको एमटी १५ को करसहितको वास्तविक मूल्य करिब ३ लाख ६८ हजार मात्र हो, तर यसलाई यामाहाको आधिकारिक बिक्रेता एमएडब्ल्यू इन्टरप्राइजेजले ५ लाख २५ हजारमा बेचिरहेको छ । यसको शो-रूम मूल्य वास्तविक मूल्यभन्दा डे...
महिला, बालबालिका तथा ज्येष्ठ नागरिकमन्त्री भगवती चौधरीले ढुक्क भएर लगानी गर्न आग्रह गरेकी छिन् । आजदेखि शुरू भएको लगानी सम्मेलन २०२४ का अवसरमा सञ्चारकर्मीसँग कुराकानी गर्दै उनले यस्तो बताएकी हुन् । ...
यतिबेला नेपालको राजनीति बहुचर्चित सहकारी प्रकरण र यसमा संलग्न व्यक्तिउपर छानबिन तथा कारबाहीका लागि संसदीय समिति गठन हुने कि नहुने भन्ने विषयमा केन्द्रित छ । यो विषय यति पेचिलो हुनुको कारण बहालवाला गृहमन्त्री...
सृष्टिमा हरेक चीजको एउटा अति हुन्छ, जसलाई हामी सीमा भन्ने गर्छौँ, जलाई उसले आउँदा सँगै लिएर आएको हुन्छ र जेजति गर्छ यसैभित्रै रहेर गर्छ । अति पार गर्नासाथ उसको अस्तित्व पनि समाप्त हुन पुग्छ । अति पार गरेपछि नदी...
नेपाली कम्युनिस्ट आन्दोलन कतिपटक विभाजन भयो ? पुनः एकता, मोर्चा गठन, विघटनलाई हेर्दा यसको जोडघटाउको लामै शृङ्खला बन्छ । र, त्यसमा मूलधारको राजनीतिबाट विभाजित कम्युनिस्ट पार्टी अर्थात् वामपन्थी पार्टीहरूको विसर्...