काठमाडौं महानगरपालिकामा नेकपा एमाले र नेपाली कांग्रेसका उम्मेदवारबीचको अन्तर जम्मा २ मतको छ । एमालेका केशव स्थापितभन्दा कांग्रेसकी सिर्जना सिंह २ मतले अगाडि छिन् ।

सिंहले ३४ हजार ११५ मत ल्याएकी छन् भने स्थापितले ३४ हजार ११३ मत ल्याएका छन् । 

अहिलेसम्म महानगरपालिकामा १ लाख ६९ हजार ६७८ मत गणना भइसकेको छ । 

जीतनजिक पुगेका स्वतन्त्र उम्मेदवार बालेन्द्र साह (बालेन)ले ५४ हजार ५६३ मत ल्याएका छन् । 

यस्तै उपप्रमुखमा सबैभन्दा धेरै एमालेकी सुनिता डंगोलले ६० हजार ८७१ मत ल्याएर अगाडि छन् । उनका निकटतम प्रतिद्वन्द्वी नेकपा (एकीकृत समाजवादी) का रामेश्वर श्रेष्ठले २० हजार ४११ मत ल्याएका छन् ।