फागुन ५, २०८०
श्रीमान्–श्रीमती नैं शाखा अधिकृत, त्यो पनि एकसाथ । यस्तो सुखद संयोग सरकारी सेवामा प्रवेश गर्न चाहनेमध्ये कमैलाई मात्र जुर्ने गर्छ । तर, गुल्मीको धुर्कोट गाउँपालिका वडा नम्बर–६ का सुरेन्द्र पाण्डे र रमित...
जेठ २०, २०७९
बालुवाटारस्थित प्रधानन्यायाधीश निवासको उत्तरतर्फको सडक हिलाम्मे र भद्रगोल छ ।
बालुवाटार रोडबाट लाजिम्पाट निस्किने उक्त सडक प्रधानन्यायाधीश र प्रधानमन्त्रीको सरकारी निवासको उत्तरतर्फको कम्पाउन्डसँगै सटेको छ ।
प्रधानमन्त्री निवासमा प्रवेश गर्ने उत्तरतर्फको गेट पनि सोही सडकसँगै जोडिएको छ, जसलाई बालुवाटारको एक नम्बर गेट भनिन्छ ।
पूर्व प्रधानमन्त्रीहरू र विभिन्न राजनीतिक दलका शीर्ष नेताहरू बालुवाटार प्रवेश गर्न सोही गेट प्रयोग गर्छन् ।
अहिले उक्त सडक प्रयोग गर्नै मुस्किल पर्ने अवस्थामा पुगेको छ ।
यसको मुख्य कारण हो– प्रधानमन्त्री निवासको उत्तरतर्फबाट प्रधानमन्त्री निवास हुँदै बाहिरिने भूमिगत ढलको बाटो परिवर्तन ।
उत्तरबाट दक्षिणतर्फ बगिरहेको उक्त ढलको बाटो परिवर्तन गरेर लाजिम्पाटतर्फ जाने सडकको किनारा हुँदै प्रधानन्यायाधीश निवासको पश्चिम पारेर टुकुचा नदीमा मिसाउन लागिएको छ । त्यसैका लागि सडक खनिएको छ ।
वर्षौंदेखि बग्दै आएको भूमिगत ढलको बाटो एकाएक परिवर्तन गर्नुपर्ने कारण त्यसले सिर्जना गरेको दुर्गन्ध वा कुनै भौतिक अवरोध भने होइन । प्रधानमन्त्री निवासबाट ढल हटाउनुको एउटै कारण हो, वास्तु ।
उत्तरतर्फबाट प्रधानमन्त्री निवास हुँदै दक्षिणतर्फ बगेको ढलका कारण प्रधानमन्त्री कार्यालयको प्रभाव कमजोर भएको ज्योतिषीय सल्लाहका आधारमा उक्त ढलको मार्ग परिवर्तनको काम भइरहेको छ, जसका कारण सडक भत्किएको छ र हिलाम्मे बनेको छ ।
ज्योतिषीले प्रधानमन्त्रीलाई दिएको सल्लाहअनुसार त्यहाँ ढलको पुरानो संरचना भत्काएर नयाँ बनाउन लागिएको स्थानीय बासिन्दा पूर्ण महर्जनले बताए ।
‘प्रधानमन्त्री निवास हुँदै बगेको ढलका कारण जोसुकै प्रधानमन्त्री आए पनि नटिक्ने र शक्ति कमजोर हुने भनेर ज्योतिषीले सल्लाह दिएपछि यो ढलको बाटो परिवर्तन गर्न लागेको मैले सुनेको छु’, महर्जनले भने ।
महर्जनले बताएको कुरालाई प्रधानमन्त्री शेरबहादुर देउवाका ज्योतिषी सुरेशचन्द्र रिजालले पनि पुष्टि गरेका छन् ।
रिजालका अनुसार, एमाले अध्यक्ष केपी शर्मा ओली प्रधानमन्त्री हुँदा नै उक्त ढलमार्ग परिवर्तनका लागि विस्तृत परियोजना प्रस्ताव (डीपीआर) तयार भएको थियो । तर, त्यसबेला कोरानो महामारी भएका कारण डीपीआर कार्यान्वयन हुन सकेको थिएन ।
‘केपी ओलीकै पालमा डीपीआर भएको कुरा हो । डेढ दुई वर्ष कोरोनाले डिस्टर्ब गर्यो । सत्ता परिवर्तन भयो । यस्तै विभिन्न कारणले समस्या भइरहेको थियो । अहिले काम भइसकेको छ’, रिजालले भने ।
केपी ओली प्रधानमन्त्री हुँदा नै रिजाललगायतका ज्योतिषीहरूले कि त प्रधानमन्त्री निवास नै सार्नुपर्ने, नभए प्रधानमन्त्री निवासमुनिबाट बग्ने ढल हटाउनुपर्ने भनेर सुझाव दिएको रिजालले बताए ।
‘यो काम शेरबहादुर देउवाको पालामा भएको होइन, केपी ओलीको पालामा नै कुरा उठेको हो । म लगायत सम्पूर्ण ज्योतिषीहरूले संस्थागत रूपमा नै उहाँलाई सल्लाह दिएका थियौं’, रिजालले भने, ‘हामीले कि त प्रधानमन्त्री निवास नै सार्नुपर्यो नभए प्रधानमन्त्री निवासमुनि भएको ढल हटाउनुपर्यो भनेका हौं ।’
उत्तरबाट बगेको ढल प्रधानमन्त्री निवास हुँदै बाहिरिँदा सकारात्मक ऊर्जालाई पनि नकारात्मक बनाइदिने रिजालले बताए ।
‘अहिलेसम्म जति पनि प्रधानमन्त्री भएर बालुवाटारमा बस्नुभयो कसैले पनि देश र जनताको हितका निर्णय गर्न सक्नुभएन । सबै जनालाई जनताले चुनेको हो तर, सबै फेल हुनुभयो । बालुवाटारमा भएको ढलले सकरात्मक भन्दा नकरात्मक ऊर्जा ल्यायो । त्यसले वैमनश्यता जगायो । जनतामा नकरात्मक कुरा मात्रै गयो । बारम्बार जनताहरू बिच्किनुपर्यो । कहिले कसलाई, कहिले कसलाई भोट हाल्नुपर्यो’, रिजालले भने ।
कांग्रेस सभापति शेरबहादुर देउवा प्रधानमन्त्री भएपछि पहिल्यै डीपीआर भएको कुरालाई कार्यान्वयन गर्न भनिएको रिजालले जानकारी दिए ।
‘अहिलेका प्रधानमन्त्रीलाई पनि भनेर त्यो ढल हटाउन लगाइएको हो । पछि त प्रधानमन्त्रीको सुरक्षाको विषय पनि त्यससँग सम्बन्धित भएर उठेका छन् । निवासमुनि ढलको पाइप हुँदा त्यसले सुरक्षा चुनौति थपिएको कुरा पनि आएको थियो । त्यसभन्दा पनि ढल राम्रो कुरा थिएन । त्यसलाई निकाल्दा प्रधानमन्त्री र देशलाई नै राम्रो हुने कुरा हो’, रिजालले भने, ‘देशलाई सञ्चालन गर्ने मान्छे राम्रो ठाउँमा बस्नेबित्तिकै त्यहाँ सम्पूर्णकुराहरू नै सकरात्मक हुन्छ ।’
उक्त ढलको बाटो परिवर्तनको काम अझै सम्पन्न भइसकेको छैन । टुकुचानदीतर्फबाट ढलको पाइप बिछ्याउने काम भइरहेको छ । अहिलेसम्म प्रधानमन्त्री निवासको उत्तरतर्फको गेट नजिकैसम्म सडकमुनि ढलको पाइप बिछ्याउने काम सम्पन्न भएको छ ।
ढलको पाइप बिछ्याउन सडक खन्दा विद्युतको ट्रान्सफर्मर रहेको पोल ढल्किएकाले अहिले काम रोकिएको छ ।
स्थानीयले भने उल्टो बाटोमा ढल खनिएको भन्दै विरोध गरेका छन् । ‘ओरालोबाट उकालोतिर जबर्जस्ती ढल लान खोजिएको छ’, स्थानीय पूर्ण महर्जनले भने ।
खनेको बाटो नसम्याएको हुँदा सवारी आवागमन पनि प्रभावित भएको छ ।
‘कम्तिमा माटोले पुरेर बाटोसम्म बनाइदिएको भए गाडी गुडाउन मिल्थ्यो । अहिले सवारी आवागमन अवरोध भइरहेको छ । दिनहुँ बाइकहरू चिप्लेर लडिरहेका छन् । बाटो जथाभावी भत्काएर छाड्न नमिल्ने हो’, महर्जनले भने ।
अहिले ढल निकास बन्द भएका कारण पानी परेका बेला घरघरमा पानी छिर्ने गरेको अर्का स्थानीय पूर्णबहादुर महर्जनले बताए ।
‘ढल निकास बन्द गरेकाले ठूलो पानी परेको बेला सबै पानी हाम्रो घरभित्र छिर्छ । स्थानीयको कुरा कसले पो सुन्छ र ?’, उनले भने ।
उनीहरूले ढलको बाटो बदल्ने कुराको विरोध पनि गरेका रहेछन् ।
‘हामीले त ढलको बाटो परिवर्तन नगर्न भनेर वडा कार्यालयमा विरोध पत्र नै बुझाएका थियौं । अहिले अव्यवस्थित बनाएर छाडिएको छ । दुःख स्थानीयले भोग्नु परेको छ’, महर्जनले गुनासो पोखे ।
हेर्नुहोस्, भिडियो :
श्रीमान्–श्रीमती नैं शाखा अधिकृत, त्यो पनि एकसाथ । यस्तो सुखद संयोग सरकारी सेवामा प्रवेश गर्न चाहनेमध्ये कमैलाई मात्र जुर्ने गर्छ । तर, गुल्मीको धुर्कोट गाउँपालिका वडा नम्बर–६ का सुरेन्द्र पाण्डे र रमित...
बुटवलका कुलचन्द्र पाण्डे सफल पर्यटन व्यवसायी हुन् । कुनै समय भारतको एउटा कम्पनीमा काम गरेका पाण्डे अहिले रूपन्देहीमा ‘एसियन ब्राण्ड’ चम्काउने ‘टुरिजम’ उद्यमीका रूपमा चिनिन्छन् । तीन दशकअघि...
समय : आइतवार बिहान ७ बजे स्थान : नलगाड नगरपालिका, १ चिउरी, जाजरकोट (भूकम्पले सबैभन्दा धेरै क्षति पुर्याएको ठाउँ) ‘मेरी आमालाई किन यस्तो भयो ? मलाई पनि बाँच्न मन छैन,...
२०५८ साल वसन्त ऋतुको समय । घमाइलो त्यो समयमा एउटा फूल काँडाको बाटो डोरिँदै थियो । बहकाउ र त्रासमा १३ वर्षको बालक सत्तालाई बन्दुक नाल तेर्स्याउन कस्सिएको थियो । लहडमा हिँडेको बाटोमा न ऊ फुल्न पायो, न ओइलियो ।...
रोल्पाका देवराज बुढामगर गाउँकै साधारण किसान हुन् । परिवर्तन गाउँपालिका–४ पाथावाङ निवासी देवराजका ६ छोरी र एक छोरा सरकारी जागिरे छन् । छोराको आसमा ६ छोरी जन्माए देवराज र उनकी श्रीमती नन्दाले । हुन पन...
मनीषा जीसीको वास्तविक नाम विष्णु घर्ती क्षेत्री हो । गुल्मीको धुर्कोट गाउँपालिका– ३ हाडहाडेकी विष्णुलाई धेरैले मनीषा भनेर चिन्छन् । उनै मनीषा लोक सेवा आयोगले लिएका पाँचवटा परीक्षामा एकसाथ नाम निकालेर अह...
सृष्टिमा हरेक चीजको एउटा अति हुन्छ, जसलाई हामी सीमा भन्ने गर्छौँ, जलाई उसले आउँदा सँगै लिएर आएको हुन्छ र जेजति गर्छ यसैभित्रै रहेर गर्छ । अति पार गर्नासाथ उसको अस्तित्व पनि समाप्त हुन पुग्छ । अति पार गरेपछि नदी...
नेपाली कम्युनिस्ट आन्दोलन कतिपटक विभाजन भयो ? पुनः एकता, मोर्चा गठन, विघटनलाई हेर्दा यसको जोडघटाउको लामै शृङ्खला बन्छ । र, त्यसमा मूलधारको राजनीतिबाट विभाजित कम्युनिस्ट पार्टी अर्थात् वामपन्थी पार्टीहरूको विसर्...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...