माघ १, २०८०
कालीमाटी फलफूल तथा तरकारी बजार विकास समितिले सोमबारका लागि कृषि उपजको थोक मूल्य निर्धारण गरेको छ । जसअनुसार तरुलको अधिकतम मूल्य प्रतिकिलो ५० रुपैयाँ तय भएको छ । यस्तै पिँडालुको ७०, सखर खण्डको ८० रुपैय...
असोज १४, २०७९
यसपालिको दशैंमा १ सय ५० सीसीभन्दा धेरै क्षमताका दुई पाङ्ग्रे सवारी साधन बजारमा निकै कम छ ।
सरकारले अर्थतन्त्रमा आएको समस्या समाधान तथा आयात निरुत्साहनका निम्ति केही समयदेखि १५० सीसीभन्दा बढी क्षमताका सवारीसाधन आयातमा रोक लगाएको छ ।
जसका कारण यसपालि ठूला क्षमताका मोटरसाइकल चढ्ने योजना बुनेर बसेकाहरूमध्ये धेरैको सपना अधुरै रहेको छ ।
ठूला क्षमताका मोटरसाइकल बिक्री गर्दै आएका विभिन्न कम्पनीहरूले सरकारले त्यस्ता मोटरसाइकलको आयात रोक्दा यसपालिको दशैं सुनसान बनेको बताएका छन् ।
सरकारले गत साउन १ गतेदेखि १५० सीसीभन्दा माथिका मोटरसाइकलको आयातमा प्रतिवन्ध लगाएको थियो । जुन अहिलेसम्म पनि जारी छ ।
आयात खुलाउनका लागि नाडा अटोमोबाइल्स एसोसिएसनले सरकारसँग पटक–पटक माग गरेपनि सरकारले आयात खुकुलो बनाएको छैन ।
जसको असर दशैंमा पर्न गएको अटोमोबाइल्स व्यवसायीहरूले बताएका छन् ।
दशैंलाई यी स्कूटर तथा बाइक
विभिन्न कम्पनीहरूले दशैंका लागि विभिन्न मोडलका एक सय ५० सीसीभन्दा कमका स्कूटर तथा मोटरसाइकल बिक्री गरिरहेका छन् ।
ठूला क्षमताका दुई पाङ्ग्रे सवारीसाधन किन्ने सोचेर बसिरहेकाहरू पनि दशैंमा उपलब्ध भएकामै चित्त बुझाउन बाध्य भएका छन् ।
व्यवसायीहरूका अनुसार, यसपटक दशैंका लागि मोटरसाइकल तथा स्कूटरको बूकिङ राम्रो भएको थियो ।
तर महामारीको रूप लिँदै गएको डेंगुको संक्रमणका कारण धेरैजसो बूकिङ अन्तिम समयमा आएर त्यसै रद्द हुने अवस्थामा पुगेको छ ।
विशेष गरी फुलपातीको दिनमा धेरै सवारी साधन बिक्री हुने अपेक्षामा व्यवसायीहरू बसेका छन् ।
फूलपाती अगाडिका दिनहरूमा पनि सवारीसाधन बिक्री भइरहे पनि फूलपातीको दिनमा भने विशेष किसिमले केही धेरै मात्रामा सवारीसाधन बिक्री हुने अपेक्षा व्यवसायीहरूको छ ।
अहिले बजारमा धेरै चलेका २ पाङ्ग्रे सवारीसाधनहरूमध्ये यहाँ केहीको उल्लेख गरिएको छ ।
दशैंमा खरिद गर्न चाहनेहरूका लागि यी मोटरसाइकल तथा स्कूटर उपयुक्त हुन सक्छन् ।
भेष्पा र अप्रिला
यसपटकको दशैंमा भेष्पाको लागि नेपालको आधिकारिक बिक्रेता दुगड ब्रदर्स एन्ड सन्सले दुई भेष्पा र अप्रिला ब्रान्डका २ स्कूटरहरू बजारमा बिक्री गरिरहेको छ ।
कम्पनीका सिनियर सेल्स म्यानेजर विभव कार्कीले यसपटकको दशैंमा विभिन्न अफरसहित अप्रिलाको स्ट्रोम १२५ र भेष्पाको एसएक्सएल १२५ बिक्री गरिरहेको जानकारी दिए ।
उनले दशैंका लागि फूलपातीका दिनसम्म स्कूटर बिक्री गरिने जानकारी दिए । उनका अनुसार, अहिले यी दुई मोडलमा धेरै बुकिङ भइरहेको छ ।
उनले भने, ‘यसपटक बजारमा मोटरसाइकलको जस्तै क्षमता भएका २ मोडलका स्कूटरहरू दशैंको अवसरमा बिक्री गरिरहेका छौं । ग्राहकहरूको आकर्षण र बुकिङ म्याक्सिमम भइरहेको छ ।’
उनका अनुसार, भेष्पाको एसएक्सएल १२५ को मूल्य ३ लाख ५५ हजार ९४६ रुपैयाँ रहेको छ । यस्तै अप्रिलाको स्ट्रोम १२५ को मूल्य २ लाख ७१ हजार ९ सय रुपैयाँ रहेको छ ।
हिरो
हिरो मोटरसाइकल तथा स्कूटरको नेपालका लागि आधिकारिक वितरक एनजीएम हिरोले दशैंलाई लक्षित गरी चैतमा सार्वजनिक गरेको हिरो एक्सप्लस ४ भी मोटरसाइकल बिक्री गरिरहेको छ ।
कम्पनीले यो मात्रै नभएर दशैंमा हिरोका जुनसुकै मोटरसाइकल तथा स्कूटरमा विशेष स्किमका साथ बिक्री गरिरहेको छ ।
कम्पनीले अहिले बिक्री गरिरहेको मोटरसाइकल तथा स्कूटरहरूमा हिरोको एक्सप्लस २०० ४ भी मोटरसाइकलको मूल्य ४ लाख ५२ हजार ५ सय रुपैयाँ, मेस्ट्रो ईडीजीई १२५ स्कूटरको २ लाख ६८ हजार रुपैयाँ मूल्य पर्छ ।
यस्तै २ लाख ३१ हजार रुपैयाँमा हिरोको सुपरस्प्लेन्डर मोटरसाइकल बजारमा उपलब्ध छ ।
बजाज
बजाजको नेपालका लागि आधिकारिक वितरक हंशराज हुलाशचन्द एण्ड कम्पनीले दशैंका लागि विशेष अफरका साथ विभिन्न किसिमका मोटरसाइकलहरू बिक्री गरिरहेको छ ।
कम्पनीले दशैंका लागि पल्सर ए२५०, पल्सर एनएस १६०, पल्सर एनएस १२५ लगायतका मोटरसाइकलहरू बिक्री गरिरहेको छ ।
बजारमा बजाजका १ लाख ९२ हजार ९ सय रुपैयाँदेखि ४ लाख ८९ हजार रुपैयाँसम्म मूल्यका मोटरसाइकलहरू उपलब्ध छन् ।
यामाहा
यामाहाको नेपालका लागि आधिकारिक वितरक एमएडब्ल्यू इन्टरप्राइजेजले यसपालिको दशैंमा विशेष गरी रेजेडआर १२५ एफआई स्कूटर बिक्री बढाइरहेको छ ।
कम्पनीले फूलपातीको दिनसम्मका लागि यस स्कूटरको बुकिङ राम्रो रहेको जनाएको छ । यस स्कूटर किन्न चाहने ग्राहकले २ लाख ६४ हजार ९ सय रुपैयाँ मूल्य तिर्नुपर्ने हुन्छ ।
यीबाहेक कम्पनीले आफ्ना मोटरसाइकल तथा स्कूटरको खरिदमा विशेष छुट तथा उपहार दिने योजना समेत सार्वजनिक गरेको छ ।
कम्पनीको मोटरसाइकल २ लाख ४६ हजार रुपैयाँदेखि ९ लाख २४ हजार ९ सय रुपैयाँसम्मको लागत पर्ने मोटरसाइकल बजारमा उपलब्ध छन् ।
टीभीएस
टीभीएसका लागि नेपालमा आधिकारिक वितरक जगदम्बा मोटर्स प्रालिले नेपाली बजारमा दशैंका लागि विशेष गरी टीभीएस एनटर्क १२५ रेस एक्सपीको बिक्री गरिरहेको छ ।
कम्पनीले ३ लाख ५ हजार ९ सय रुपैयाँमा यो स्कूटर बिक्री गरिरहेको जनाएको छ ।
यस स्कूटरमा आरटी एफआई, बीएस–भीआई इञ्जिन दिइएको छ ।
यसबाहेक कम्पनीले अपाचे आरटीआर १६० ४ भी लगायतका मोटरसाइकल बिक्री गरिहेको छ ।
अफरको होडबाजी
चाडपर्वको अवसर पारेर अटोमोबाइल कम्पनीहरूले विभिन्न किसिमका योजना तथा अफरहरू सार्वजनिक गरेका छन् ।
असोज पहिलो सातादेखि नै कम्पनीहरूले अफरहरू सार्वजनिक गरेका हुन् । यी अफरहरू दशैं, तिहार र छठ पर्वलाई लक्षित गरी सार्वजनिक गरिएको कम्पनीहरूले जनाएका छन् ।
चाडपर्वका लागि नेपालमा टीभीएसका दुई पाङ्ग्रे सवारी साधनका लागि एक मात्र आधिकारिक वितरक जगदम्बा मोटर्स प्रा.लि.ले चाडपर्व लक्षित ‘कायापलट’ योजना सञ्चालन गरिरहेको छ ।
यस योजनाअन्तर्गत ग्राहकले टीभीएसको मोटरसाइकल र स्कूटर खरिद गर्दा पाँच पटकसम्म आकर्षक उपहार प्राप्त गर्न सक्छन् ।
यो योजनामा नकिन्दै एक लाख र खरिद गरेपछि दस लाख रुपैयाँसम्म जित्ने मौका रहेको छ ।
साथै हरेक हप्ता एक खरिदकर्तालाई सम्पूर्ण नगद फिर्ता गर्ने र एक भाग्यशाली विजेतालाई बम्पर उपहार रु. ५० लाखको नगद पुरस्कार उपलब्ध गराइने कम्पनीले जनाएको छ ।
यस्तै नेपालका लागि यामाहाको आधिकारिक वितरक रहेको यामाहा नेपालले भदौ दोस्रो सातादेखि नै ‘यामाहा फेस्टिभ ह्याट्रिक’ नामक अफर ल्याएको छ ।
यस योजनाअन्तर्गत यामाहाको कुनै पनि बाइक वा स्कूटरमा खरिद गर्दा तत्कालै स्योर शट उपहारमा ६ रुपैयाँ नगद जित्न सक्नेछन् ।
यीबाहेक अन्य कम्पनीहरूले पनि विभिन्न किसिमका आकर्षक अफरहरू दशैंका लागि सार्वजनिक गरेका छन् ।
कालीमाटी फलफूल तथा तरकारी बजार विकास समितिले सोमबारका लागि कृषि उपजको थोक मूल्य निर्धारण गरेको छ । जसअनुसार तरुलको अधिकतम मूल्य प्रतिकिलो ५० रुपैयाँ तय भएको छ । यस्तै पिँडालुको ७०, सखर खण्डको ८० रुपैय...
कालीमाटी फलफूल तथा तरकारी बजार विकास समितिले शुक्रबारका लागि कृषि उपजहरुको मूल्य निर्धारण गरेको छ । जसअनुसार गोलभेँडा ठुला नेपालीको अधिकतम थोक मूल्य प्रतिकिलो ७० तथा भारतीयको ५० रुपैयाँ कायम रहेक...
कालीमाटी फलफूल तथा तरकारी बजार विकास समितिले मंगलबारका लागि कृषि उपजहरुको मूल्य निर्धारण गरेको छ । जसअनुसार गोलभेँडा ठुलो नेपालीको अधिकतम थोक मूल्य ५० र गोलभेँडा ठुलो भारतीयको ७० रुपैयाँ कायम...
नेपाल आयल निगमले पेट्रोलियम पदार्थको मूल्य घटाउने निर्णय गरेको छ । निगम सञ्चालक समितिको बैठकले शुक्रबार मध्यराति १२ बजेर १ मिनेटदेखि लागू हुनेगरी पेट्रोलको मूल्य प्रतिलिटर २ तथा डिजेल तथा मट्टितेलको मूल्य ४ रु...
काठमाडौँको कालीमाटी फलफूल तथा तरकारी बजार विकास समितिले सोमबारका लागि कृषि उपजहरुको मूल्य निर्धारण गरेको छ । जसअनुसार गोलभेँडा ठुलो (नेपाली) को अधिकतम थोक मूल्य प्रतिकिलो ७० रुपैयाँ रहेको छ । ...
नेपाल आयल निगमले पेट्रोलियम पदार्थको मूल्य बढाएको छ । निगम सञ्चालक समितिको बैठकले आज बिहीबारदेखि लागू हुने गरी पेट्रोलियम पदार्थको मूल्य बढाएको हो । जसअनुसार पेट्रोलको मूल्य प्रतिलिटर ४ रुपैयाँ बढेको छ भने ड...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...