नेकपा एमालेका नेता रघुवीर महासेठले जनता समाजवादी पार्टीसँग अहिलेसम्म कुनै पनि किसिमको सहमति नभएको बताएका छन्।

एमालेका सचिव समेत रहेका नेता महासेठले एमाले-जसपाबीच तालमेलका लागि छलफल भएपनि हालसम्म कुनै पनि किसिमको सहमति नभएको बताएका छन्।

'हामी दुवै दलबीचमा तालमेलका लागि छलफल भएपनि कुनै सहमति भएको छैन,' महासेठले लोकान्तरसँग भने,'सहमति नजिक वा सहमति मस्यौदामा हस्ताक्षर आदि विषयमा भएको कुरा हल्ला मात्र हो। त्यसमा कुनै सत्यता छैन।'