बेलायतको बर्मिङघममा गर्भपात गराउने एक क्लिनिकबाहिर मौन प्रार्थना गर्ने एक महिलालाई प्रहरीले पक्राउ गरेको छ । 

इसाबेल भन स्प्रुस नामक ती महिलालाई सार्वजनिक शान्ति खलबल्याएको आरोपमा पक्राउ गरिएको हो । 

भ्रू्रणको रक्षा गर्नुपर्ने प्रोलाइफ अभियन्ताहरूलाई अमेरिका र बेलायतमा पक्राउ गर्न थालिएको छ । अमेरिकामा मार्क हौक नामक व्यक्तिलाई पनि गर्भपतन गराउने क्लिनिक बाहिर छोरासँग मिलेर प्रार्थना गर्दा पक्राउ गरिएको हो । 

अलायन्स डिफेन्डिङ फ्रीडम नामक संस्थाले स्प्रुसलाई पक्राउ गरिएको भिडियो सार्वजनिक गरेको छ । 

उनी मौन प्रार्थना गरेर बसिरहँदा प्रहरी उनीकहाँ आउँछ र के गरेको भनी सोध्छ । आफूले दिमागमै प्रार्थना गरिरहेको हुन सक्ने उनी बताउँछिन् । 

त्यसपछि प्रहरीले उनको खानतलास गर्छ, पक्राउ गर्छ र उनलाई प्रहरी चौकीमा लगेर केरकार गर्छ । त्यसपछि उनलाई सार्वजनिक शान्ति खलबल्याएको आरोप लगाउँछ । 

Police in the UK arrest a woman for silently praying:

"Are you praying?"

"I might be praying in my head." pic.twitter.com/7Q8UnKmfa1

— Mary Margaret Olohan (@MaryMargOlohan) December 22, 2022