प्रकाश र मेलिनाबीच कौडा गीतमा सहकार्य

पाश्र्व गायनदेखि आधुनिक गीत गायनमा रुचाइएकी गायिका हुन् मेलिना राई ।

उनी ती गायिका हुन् जसले गाएको ‘कुटुमा कुटु’ले अहिलेसम्म युट्युबमा सर्वाधिक हेरिएको नेपाली गीतको रेकर्ड कायम गरेको छ । 

यता, पछिल्लो समय लोकगीतमा रुचाइएका सर्जक एवं गायक हुन् प्रकाश दूतराज । ‘बैनी झ्यालैमा’, ‘घर कता हो बैनीको’, ‘जाम भो माईली’ हुँदै ‘देउरालीमा’ गीतसम्म आउँदा उनले मौलिक सिर्जनामार्फत आफूलाई प्रमाणित गरिसकेका छन् । 

अब भने, मेलिना र प्रकाशलाई स्रोता/दर्शकले एउटै गीतमा सुन्न पाउने भएका छन् ।

मेलिना र प्रकाशबीच एक कौडा गीतमा सहकार्य भएको छ । 

‘जुनमाया’बोलको कौडा गीतको रेकर्ड भइसकेको मेलिनाले जानकारी दिएकी छिन् ।

यो गीतमा शब्द एवं संगीत रहेको छ । श्यामश्वेत रसाईलीले गीतलाई एरेन्ज गरेका हुन् । प्रिज्म रेकर्डिङ स्टुडियोमा गीत रेकर्ड भएको हो । 

मेलिनाले स्टुडियोमा खिचाएको दुई जनाको तस्वीर शेयर गर्दै गीतका लागि प्रकाश र उनको टिमलाई धन्यवाद समेत दिएकी छिन् ।