लोकदोहोरी र आधुनिक गीतमा रुचाइएका गीतकार एवं संगीतकार राजकुमार बगरको स्वरमा ‘आँखैमा थियौ सानु’ बोलको गीत सार्वजनिक गरिएको छ । 

बगरकै शब्द एवं संगीत रहेको गीतमा उनीसँगै चर्चित गायिका शान्तिश्री परियारको स्वर छ । 

यो गीतमा कमल सौरागको संगीत संयोजन छ । 

शुक्रवार बिहान पशुपति म्युजिकको अफिसियल युटयुबबाट गीतको भिडियो सार्वजनिक गरिएको हो । 

‘आँखैमा थियौ सानु’ प्रेम विरहको गीत हो । यसको भिडियोमा सारिका केसी र गोविन्द पोखरेलको अभिनय छ । 

विक्रम चौहानको कथा एवं निर्देशनमा भिडियो तयार भएको हो ।

भिडियोलाई प्रकाश खड्काले छायाँकन, मिलन विश्वकर्माले सम्पादन गरेका हुन् ।

बगरले यसअघि पनि केही गीतमा स्वर दिइसकेका छन् ।