लोक गायक अर्जुन सापकोटाका अफिसियल प्रायः गीतले स्रोता–दर्शकको माया पाउने गरेका छन् । 

उनले तीन साताअघि शान्तिश्री परियारसँगको स्वरमा सार्वजनिक गरेको ‘न सोध पिर के को ?’ले युट्युबमा १० लाख बढी भ्युज पाइसकेको छ । 

यसअघि अर्जुन र शान्तिश्रीको स्वर रहेको ‘डाँडैको टुनी’लाई पनि स्रोता–दर्शकहरुले रुचाएका थिए । उक्त गीतले युट्युबमा अहिलेसम्म ७५ लाखभन्दा बढी भ्युज पाएको छ । 

‘न सोध पिर के को ?’ गीतका शब्द रविन लामिछानेका हुन् । अर्जुनकै संगीत रहेको गीतमा कृष्ण बि.क ‘भान्जा’को संगीत संयोजन छ ।

भिडियोमा अर्जुन स्वयंमले अभिनय गरेका छन् । उनको जोडीका रुपमा मोडल जुना विश्वकर्माको अभिनय छ । 

भिडियो मंगलवारसम्म युट्युब ट्रेन्डिङमै छ । गीतले छोटो समयमै धेरै स्रोता  एवं दर्शक पाएपछि अर्जुन खुशी छन् ।

उनी दर्शकको माया पाएसँगै गीतमा गरिएको सहकार्य सार्थक भएको बताउँछन् । ‘अहिले युट्यु्बमा धेरै गीतलाई भ्युजको खडेरी देखिएको छ । यस्तो अवस्थामा हाम्रो गीतलाई दर्शकले यति धेरै माया गरिदिँदा अत्यन्तै खुशी छु’ – अर्जुनले भने । 

‘न सोध पिर के को ?’ माया प्रेममा आधारित गीत हो । गाउँले परिवेशमा रहेर यसको भिडियो बनाइएको छ । काजिश श्रेष्ठको कोरियोग्राफी एवं निर्देशनमा बनेको भिडियोका छायांकार राम केसी र सम्पादक मिलन विश्वकर्मा हुन् । 

अर्जुन सापकोटाको अफिसियल युट्युब च्यानलमा भिडियो हेर्न सकिन्छ ।