नेकपा समाजवादी पार्टीका अध्यक्ष डा. बाबुराम भट्टराईले अरूलाई गाली गर्ने राजनीतिबाट माथि उठ्न युवालाई सुझाव दिएका छन् ।

राजनीति अपजसे पेशा रहेको भन्दै उनले सतर्क रहँदै अगाडि बढ्नुपर्ने उनले बताए ।

विवेकशील साझा पार्टीको अधिवेशनलाई शुक्रबार काठमाडौंमा सम्बोधन गर्दै भट्टराईले वैकल्पिक राजनीतिको स्पेस बाँकी रहेकाले सिर्जनात्मक राजनीति गर्न सुझाव दिए। 

‘अबको राजनीति देशलाई समृद्धिमा लैजाने दिशामा केन्द्रित रहनुपर्छ । २० वर्षभित्र देशलाई समद्धिको शिखरमा पुर्‍याउन सकिन्छ’, भट्टराइले भने, ‘राजनीतिमा लागेका साथीहरूले नकारात्मक सोच नराख्नुस्, अरूलाई गाली नगर्नुस् । राजनीति अत्यन्त अपजसे पेशा हो, सानो गल्ती गर्‍यो भने भीरबाट खसाल्दिन्छन् । सतर्क रहँदै अगाडि बढ्नुहोस् ।’