कात्तिक २८, २०८०
वास्तुशास्त्र अनुसार घरमा कुन ठाउँमा के कुरा राख्ने नियमको पालना गर्दा सुखसमृद्धि प्राप्त हुन्छ । वास्तु पालन नगर्दा भने स्वास्थ्य र धनहानिका अलावा अन्य धेरै समस्याबाट ग्रस्त भइन्छ । खराब भएको र टुटेफुटेको सामान घ...
नेपालको पर्यटकीय नगरी पोखरा । पोखराको पनि लेकसाइड पर्यटकको केन्द्र । आज यहाँ रहेका विभिन्न देशका पर्यटक होलीको रंगमा रमाएका छन् ।
होली नेपाली परम्पराको रंगको पर्व । एकआपसमा रंग खेलेर यो पर्व मनाउने गरिन्छ । विभिन्न रंगमा रंगिएर नाचगान गर्दै रमाएका नेपालीसँग मिसिन पुग्छन् विदेशी पर्यटक पनि । विदेशी पर्यटक पनि आज यहाँ नेपालीसरह नै रंगमा रमाए । निकै खुशी हुँदै विभिन्न रंग लगाउँदै होली खेले ।
रेस्टुरेन्ट एण्ड बार एशोसिएशन रेवान पोखराले फागु पूर्णिमाका अवसरमा आयोजना गरेको होली महोत्सव कार्यक्रमा विभिन्न देशका ५०० बढी पर्यटकले एकअर्कामा होली रंग लगाएर रमाएका थिए ।
होलीको रंगसँगै रमाइरहेका जर्मन नागरिक मरियसले यो विशेष दिनले निकै खुशी दिएको बताए । ‘निकै खुशी लागेको छ, पोखरामा आएर रंगसँग रमाउन पाउँदा, आनन्द पनि लागेको छ, सबै जनालाई खुशी देखेको छु,’ उनले भने ।
‘यहाँ कसैले को कहाँबाट आएको र को कुन धर्म मान्ने भनेर कसैले सोधेनन्, सबैले सबैलाई सम्मानपूर्वक रंग लगाइदिए, मलाई यो समानता निकै मनपर्यो,’ उनले विभेदरहित पर्वको पनि संज्ञा दिए । उनीसँग रहेका अर्का जर्मन नागरिक डेनियलले पनि रंगसँग खेल्दा तनावको अनुभूति नभएको, बडो रमाइलो अनुभूति भएको प्रतिक्रिया दिए ।
अन्नपूर्ण बेसक्याम्पमा जान आएका डेनियलले आजको दिनले ऊर्जा थपेको र खुशी बढेको अनुभव सुनाए । आफूलाई निलो रंग एकदम मनपर्ने भन्दै उनी सोही रंगसँग निकै रमाए । आफूले पनि रंग दले र अरुलाई पनि लगाइदिए ।
त्यसैगरी ३ हप्ताअघि बेल्जियमबाट नेपाल आएकी लिसाले पनि रंगसँग रमाएको आजको दिन जीवनमा यादगार हुने बताइन् । लमजुङको बेसीशहरको एक स्कूलमा स्वयंसेवीका रूपमा काम गर्दै आएकी उनले पोखरा घुम्न आउँदा रंगसँग रमाउन अवसर मिलेको बताइन् । ‘म खुशी छु, जीवनको पहिलो अनुभव हो, रंगसँग रमाएको यो अवसरका लागि सबैलाई धन्यवाद,’ लिसाले भनिन् ।
इलामको चियाबारे अध्ययनका लागि नेपाल आएकी होल्यान्डकी एल्काले पनि रंगीविरंगी रंगमा रमाउँदा निकै आनन्द र खुशी लागेको प्रतिक्रिया दिइन् । उनले हरेक देश र नागरिकको आआफ्नो संस्कार र संस्कृति हुने र एकअर्काले त्यसको सम्मान गर्न सके खुशी मिल्ने बताइन् ।
उनले रेवानले आयोजना गरेको कार्यक्रमले विभिन्न देशका नागरिक एकै ठाउँमा हुने अवसर समेत प्रदान गरेकोमा खुशी व्यक्त गरिन् । रेवान पोखराका कार्यबाहक अध्यक्ष विश्वराज पौडेलले रेवानले हरेक वर्ष फागु पूर्णिमा होली विशेष महोत्सव गर्दै आएको र यस वर्ष पनि विदेशी पर्यटकको उल्लासमय उपस्थितिका कार्यक्रम गरेको बताए ।
‘कोरोना महामारीपछि यो वर्ष पर्यटकको उल्लासमय उपस्थिति रह्यो, विदेशी पर्यटक एकअर्कालाई रंग दलेर आत्मियता र माया साटिरहेको हामीले पायौं । यो हाम्रो संस्कृतिप्रतिको सम्मान हो,’ पौडेलले भने । हरेक संस्कार संस्कृतिको आआफ्नै महत्त्व हुने र त्यसको महत्त्व उजागार गर्नसके पर्यटन प्रवद्र्धनमा भूमिका खेल्ने उनको भनाइ थियो ।
उनले पर्यटन प्रवद्र्धनका लागि रेवानले सांस्कृतिक र धार्मिक, सामाजिक पक्षलाई समेत ध्यान दिएर विभिन्न कार्यक्रम गर्दै आइरहेको र त्यसमा विशेष गरी विदेशी पर्यटकलाई लक्षित कार्यक्रममा जोड दिएको बताए ।
महोत्सव पोखराको लेकसाइडको अम्बोटबाट हल्लनचोकसम्म पञ्चेबाजासहित पर्यटन व्यवसायी, आन्तरिक तथा बाह्य पर्यटक विभिन्न संघसंस्थाका प्रतिनिधिको उपस्थितिमा र्याली निकालिएको थियो । रेवानका महासचिव विकास भट्टराईले होलीका क्रममा हाम्रो देशको संस्कृति जानकारी दिन सकियोस् भनेर पञ्जेबाजाका साथै अन्य नाचगान पनि गरिएको उनले बताए । – जमुना वर्षा शर्मा/रासस
वास्तुशास्त्र अनुसार घरमा कुन ठाउँमा के कुरा राख्ने नियमको पालना गर्दा सुखसमृद्धि प्राप्त हुन्छ । वास्तु पालन नगर्दा भने स्वास्थ्य र धनहानिका अलावा अन्य धेरै समस्याबाट ग्रस्त भइन्छ । खराब भएको र टुटेफुटेको सामान घ...
घरमा माउसुली देखिनु एक सामान्य घटना हो । सामान्यरुपमा हेर्दा यो एक जीव हो तर जीव जन्तु मनुष्यको प्रकृतिको एक महत्वपूर्ण हिस्सा मान्ने हिन्दू शास्त्रमा माउसुली बारे जोडिएको गतिविधिबारे विस्तृत जानकारी छ ।...
सनातन धर्ममा गोत्रको धेरै महत्व हुन्छ । ‘गोत्र’को शाब्दिक अर्थ त धेरै व्यापक हुन्छ । यद्यपि विद्वानहरुले समय–समयमा यसरबारे यथोचित व्यख्या गरेका छन् । ‘गो’ अर्थात् इन्द्रिय, र &...
काठमाडौं -केही मानिस धार्मिक मान्यताका कारण लसुन र प्याज खाँदैनन् । विशेषगरी ब्राह्मणहरू लसुन प्याज खाँदैनन् । यसरी नखानुका वैज्ञानिक र धार्मिक कारण छन् । आयुर्वेदका अनुसार खाद्य पदार्थलाई तीनवटा श्रेणीमा बाँड...
महाभारतको युद्ध एक युग समाप्त हुने बेलामा भएको थियो । संसारमा फैलिएको पाप र अनाचारलाई ध्वस्त पारेर धर्मको ध्वज लहराउनका लागि युद्ध अनिवार्य थियो । यावत कमजोरीका बाबजुद पाण्डवहरू धर्मरक्षक भएकाले उनीह...
जन्मदेखि लिएर मृत्युसम्म निर्धारित परम्परा पालन गर्नु हिन्दूहरूको विशेषता हो । पर्वहरूमा मात्र नभएर दिनदिनैको कर्मकाण्डमा पनि धर्म, परम्परा र भगवानको पूजापाठलाई हिन्दूहरू महत्व दिन्छन् । दिनदिनै पूजापाठ गर्ने हिन्...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...