सिनेम्याटोग्राफरका रुपमा अलग्गै पहिचान बनाएका अर्जुन तिवारीले निर्देशनमा हात हालेका छन् । 

सयौं म्युजिक भिडियो, केही फिल्म र रियालिटी शोका सिनेम्याटोग्राफर तिवारीको पहिलो निर्देशन रहेको म्युजिक भिडियो हालसालै सार्वजनिक गरिएको छ । रियाशा दाहाल र मनोज पौडेल खत्रीको अभिनय रहेको ‘मायाले दिएको एक सुका’को भिडियो अर्जुनको निर्देशनमा तयार भएको हो । 

यो गीतमा गायक सुमन केसी र गायिका विद्या तिवारीले स्वर दिएका छन् । डीपी खनालको शब्द रहेको गीतमा हरि लम्सालको संगीत र संगीत संयोजन छ । 

यो गीतको भिडियोमा अभिनेता पल शाहको कथा र कन्सेप्ट छ । बुद्ध थापाको छायांकन रहेको भिडियोलाई सुप्रिम पराजुलीले सम्पादन गरेका हुन् । 

निर्देशक अर्जुनले आगामी दिनमा पनि निर्देशन यात्रालाई अगाडि बढाउने बताएका छन् ।