गायिका रचना रिमालले नयाँ तीज गीत सार्वजनिक गरेकी छन् । सोमवार सार्वजनिक ‘यो साल नी परदेश मै तीज’ बोलको गीतमा रचनाको एकल स्वर छ । 

यसका शब्द दिनेशराज पुरीले लेखेका हुन् । संगीत दीपकराज विश्वकर्माले दिएका छन् । 

विक्रम चौहानको निर्देशन रहेको भिडियोमा रचना स्वयंम प्रस्तुत छिन् । साथमा आभा थापा, अञ्जना बराईली, अनिशा ओली, एलिना रानाको नृत्य छ । 

प्रकाश खड्का एण्ड टिमको छायांकन रहेको भिडियोलाई लक्ष्मण चौहानले सम्पादन गरेका हुन् । 

रचनाले दुई साताअघि मात्रै ‘तीजको सम्झना’ बोलको गीत सार्वजनिक गरेकी थिइन् । १० लाख हाराहारी भ्युज पाएको उक्त गीत अहिले पनि युट्युब ट्रेन्डिङमा छ ।