कात्तिक २२, २०८०
पाल्पामा १९ वर्षीया किशोरीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा गुल्मीको इस्मा गाउँपालिका ६ का २६ वर्षीय जिज्ञाश दाहाल रहेका छन् । उनलाई मंगलवार साँझ पक्राउ गरिएको प्रहरीले जनाएको...
काठमाडाैं | मंसिर १४, २०८०
भदौ २५ गते त्रिभुवन अन्तर्राष्ट्रिय विमानस्थलबाट बरामद एक किलो सुन प्रकरणको छानबिन प्रभावित भएको छ । प्रदेश मन्त्री मुछिएपछि यो प्रकरणको छानबिन अलपत्र परेको हो ।
काठमाडौं प्रहरी परिसरले भदौ २५ गते सुनसहित १ जनालाई विमानस्थलबाटै पक्राउ गरेको थियो । भोलिपल्ट थप दुईजना पक्राउ परेका थिए ।
त्यसक्रममा बरामद एउटा गाडीमा कांग्रेस सांसद एवं बागमती प्रदेशका खानेपानी, ऊर्जा तथा सिञ्चाइ मन्त्री तीर्थ लामाले काटेको ७ लाखको चेक भेटिएको थियो ।
प्रहरीले बरामद सुन र पक्राउ परेका व्यक्ति भन्सारलाई बुझाएको थियो । उक्त चेकको विषयमा त्रिभुवन अन्तर्राष्ट्रिय विमानस्थल भन्सार कार्यालयले अहिलेसम्म टुंगो लगाउन सकेको छैन ।
भन्सारले आफ्नो क्षेत्राधिकारभित्रको अनुसन्धान गरेपछि प्रदेश मन्त्री लामाको चेकका विषयमा अनुसन्धान गर्न प्रहरीलाई लेखिपठाएको थियो ।
भन्सारका तर्फबाट एक उपसचिवले अनुसन्धान गरिरहेका थिए ।
उनले यो संगठितरूपमा भएको अपराध भन्दै अनुसन्धान गर्न केन्द्रीय अनुसन्धान ब्यूरो (सीआईबी)लाई अनुरोध गरे, तर सीआईबीले १ करोडभन्दा तलको ‘केस’ हेर्न नमिल्ने भन्दै टारिदियो ।
‘हामीले संगठितरूपमा अपराध भएको हुन सक्ने भन्दै सीआईबीलाई भनेका थियौं, तर १ करोडभन्दा कम रकमको केस भएकाले हेर्न नमिल्ने भन्दै टारिदियो,’ अनुसन्धानमा खटिएका ती अधिकारीले लोकान्तरसँग भने ।
प्रहरीबाट पार नलागेपछि भन्सार कार्यालयले सम्पत्ति शुद्धीकरण विभागमा फाइल पठाएको छ । तिहारअगाडि नै पठाइएको फाइलमा अनुसन्धान टुंगिएको जानकारी भन्सारलाई प्राप्त भएको छैन ।
के हो प्रकरण ?
भदौ २५ गते बिहान साढे ९ बजे दुबईबाट हिमालयन एयरलाइन्समार्फत नेपाल आएका काभ्रेको खानीखोला गाउँपालिका– ३ घर भई हाल पनौती नगरपालिका– ५ बस्ने २८ वर्षीय बाबुलाल दोङलाई काठमाडौं प्रहरीले विमानस्थलबाट १ किलो सुनसहित पक्राउ गरेको थियो ।
अर्को दिन अर्थात २६ गते काभ्रेको रोसी गाउँपालिका– ३ घट्टेखोलाका ३३ वर्षीय जगत लामा र महाभारत गाउँपालिका– ३ का ३६ वर्षीय मिङ्मा दोर्जे स्याङ्तानलाई पक्राउ गरिएको थियो ।
उनीहरूको साथबाट प्रहरीले ९६० ग्राम (करिब एक किलो) सुन, मोबाइल र बागमती प्रदेश ०२ ०३० प ८५१७ नम्बरको कालो बुलेट बाइक बरामद गरेको थियो ।
प्रहरीले बागमती प्रदेश ००१ २७ च ९९६० नम्बरको क्रेटा गाडी समेत बरामद गरेको थियो । प्रहरीले मिङ्मालाई पक्राउ परेपछि गाडीको शिशा फोडेर ३ जना भागेका थिए ।
त्यसमध्येका एक जना काभ्रे प्रतिनिधिसभा– १ प्रदेश सभा (क) बाट समानुपातिक सांसदका लागि सिफारिश भएका कांग्रेस जिल्ला नेता विकास लामा भन्ने विकास योञ्जन थिए ।
योञ्जन अहिलेसम्म पनि फरार छन् । उनलाई प्रहरीले जानी-जानी पक्राउ नगरेको गुनासो भन्सारका एक अधिकारीले गरे ।
‘वारेन्ट जारी भएको छ, तर प्रहरीले पक्राउ गरिएको छैन । राजनीतिक व्यक्ति भएका कारण पक्राउ नगरिएको हुन सक्छ,’ भन्सारका ती अधिकारीले लोकान्तरसँग भने ।
पक्राउ परेका ३ जनासँग भन्सार विभागले ९२ लाख रुपैयाँ धरौटी माग गरेको थियो, तर तिर्न नसकेपछि उनीहरू पुर्पक्षका लागि थुनामा छन् ।
भन्सार कार्यालयका अनुसार पक्राउ परेका बाबुलालले आफूले तेस्रोपटक सुन ल्याएको बयान दिएका थिए ।
‘यो तेस्रोपटक हो भन्ने बयान उसले दिएको छ,’ अनुसन्धानमा खटिएका एक अधिकारीले भने, ‘उनी पटक–पटक दुबई गएको देखिएको छ ।’
एकपटकमा मलद्वारमा लुकाएर आधा केजी सुन र एउटा आइफोन लिएर आउँदा खर्च कटाएर २० हजार रुपैयाँ आम्दानी हुने गरेको उनको बयान छ ।
उनीहरूले तस्करीको सम्पूर्ण कामको व्यवस्थापन विकास योञ्जनले गर्ने गरेको बयान पनि दिएका छन् ।
पाल्पामा १९ वर्षीया किशोरीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा गुल्मीको इस्मा गाउँपालिका ६ का २६ वर्षीय जिज्ञाश दाहाल रहेका छन् । उनलाई मंगलवार साँझ पक्राउ गरिएको प्रहरीले जनाएको...
नेपाली सेनाका कर्णेल कामेश्वर यादवको घरमा चोरी भएको छ । ललितपुर महानरपालिका–१८ भैँसेपाटीमा रहेको उनको घरबाट १९ लाख ४२ हजार ६ सय रुपैयाँसहित विभिन्न सामानहरू चोरी भएको जिल्ला प्रहरी परिसरका एसएस...
उदयपुरमा २१ वर्षीया युवतीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा लिम्चुङबुङ गाउँपालिका १ बाँस्बोटेका २५ वर्षीय टवीन्द्र राई रहेका छन् । उनलाई आइतवार दिउँसो पक्राउ गरिएको प्रहर...
तत्कालीन प्रहरी नायब महानिरीक्षक (डीआईजी) अशोक सिंहले २०७९ फागुन १० गते जिम्मेवारीबाट राजीनामा दिए । प्रहरी महानिरीक्षक (आईजीपी)को लाइनमा रहेका सिंहको जन्ममितिमा कैफियत देखिएपछि राजीनामा दिनुपरेको थियो ।&...
आफूलाई ‘लिटिल बुद्ध’ भनेर दाबी गर्ने रामबहादुर बम्जन पक्राउ परेपछि उनीबारे नयाँ–नयाँ तथ्य सार्वजनिक भइरहेका छन् । प्रहरीले उनलाई मंगलबार साँझ ७ बजे काठमाडौंको बूढानीलकण्ठस्थित निवास...
नेपाल प्रहरीको साइबर ब्युरोले सामाजिक सञ्जाल (टिकटक र फेसबूक)को दुरुपयोग गरी चरित्रहत्या गर्ने एक जनालाई बिहीव्ँरु पक्राउ गरेको छ । पक्राउ पर्नेमा सिराहा, लहान नगरपालिका स्थायी घर भइ हाल काठमाडौं बस्ने ३६ व...
सृष्टिमा हरेक चीजको एउटा अति हुन्छ, जसलाई हामी सीमा भन्ने गर्छौँ, जलाई उसले आउँदा सँगै लिएर आएको हुन्छ र जेजति गर्छ यसैभित्रै रहेर गर्छ । अति पार गर्नासाथ उसको अस्तित्व पनि समाप्त हुन पुग्छ । अति पार गरेपछि नदी...
नेपाली कम्युनिस्ट आन्दोलन कतिपटक विभाजन भयो ? पुनः एकता, मोर्चा गठन, विघटनलाई हेर्दा यसको जोडघटाउको लामै शृङ्खला बन्छ । र, त्यसमा मूलधारको राजनीतिबाट विभाजित कम्युनिस्ट पार्टी अर्थात् वामपन्थी पार्टीहरूको विसर्...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...