कात्तिक १८, २०८०
भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...
बुटवल | फागुन १०, २०८०
आर्थिक वर्ष २०७९/०८० को कार्यसम्पादन मूल्यांकनमा लुम्बिनी प्रदेशका तीन वटा सरकारी निकाय अब्बल देखिएका छन् । लुम्बिनीका एक नगरपालिका, एक गाउँपालिका र लुम्बिनी प्रादेशिक अस्पताल कार्यसम्पादन मूल्यांकनमा प्रथम भएका हुन् ।
राष्ट्रिय प्राकृतिक स्रोत तथा वित्त आयोगले बुधबार सार्वजनिक गरेको प्रारम्भिक नतिजामा नगरपालिकातर्फ अर्घाखाँचीको सन्धीखर्क, गाउँपालिकातर्फ गुल्मीको मालिका प्रथम भएका छन् ।
त्यस्तैगरी बुटवलस्थित लुम्बिनी प्रादेशिक अस्पताल न्यूनतम सेवा मापदण्ड मूल्यांनमा प्रथम भएको छ ।
देशभरका ७७३ स्थानीय तहमध्ये सन्धीखर्क नगरपालिका उत्कृष्ट भएको छ । जिल्ला सदरमुकाम रहेको सन्धीखर्क ६१.८१ अंक प्राप्त गरी देशकै पहिलो बनेको हो । सन्धिखर्क नगरपालिकाको मेयर कृष्णकुमार श्रेष्ठ र उपमेयर मिश्रा आचार्य छन् । दुवै नेकपा एमालेबाट निर्वाचित हुन् ।
त्यस्तै गाउँपालिकातर्फ गुल्मीको मालिका पहिलो भएको छ । देशभरका स्थानीय तहमध्ये तेस्रो र गाउँपालिकातर्फ ५५.४५ अंकसहित प्रथम भएको हो । मालिका गाउँपालिकाको अध्यक्ष देवीराम अर्याल र उपाध्यक्ष उपेन्द्र अर्याल छन् ।
मालिकामा अध्यक्ष नेकपा माओवादी केन्द्र र उपाध्यक्ष नेपाली कांग्रेसबाट निर्वाचित हुन् । ‘देशभरका सबैलाई उछिनेर उत्कृष्ट भएपछि हामी खुसी छौं,’ मेयर श्रेष्ठले लोकान्तरसँग भने, ‘यो सफलता सबै जनप्रतिनिधि, कर्मचारी, जनताको साझा प्रयासबाट प्राप्त भएको हो । यसलाई निरन्तरता दिन हामी योजनाका साथ काम गर्छौं । हामीसँग ठूला योजना पनि छैनन् । बजेट पनि फ्रिज हुन नदिने गरी काम गर्छौं ।’
देशभरका स्थानीय तहमध्ये चितवनको भरतपुर महानगरपालिका ५६.२९ प्रतिशत अंकसहित दोस्रो स्थानमा छ । प्रदेश तथा स्थानीय तहको कार्यसम्पादन मूल्यांकन कार्यविधि–२०७८ अनुसार १७ वटा सूचकका आधारमा वित्त आयोगले मूल्यांकन गर्ने गर्छ ।
जसमा असार १० भित्र बजेट पेश गरे/नगरेको, असार मसान्तभित्र बजेट पारित गरे/नगरेको, आय/व्ययको प्रक्षेपण पुस मसान्तभित्र अर्थ मन्त्रालयमा पेश गरे/नगरेको, बजेटको वार्षिक समीक्षा गरी कार्तिक मसान्तभित्र सार्वजनिक गरे/नगरेको, विनियोजित रकमअनुसार खर्चको व्यवस्था, बेरुजुको अवस्था स्थानीय सञ्चित कोष व्यवस्थापन प्रणाली (सूत्र) को प्रयोग गरे/नगरेको जस्ता सूचकका आधार मूल्यांकन गरिन्छ ।
प्रदेश तथा स्थानीय तहको कार्यसम्पादन मूल्यांकन कार्यविधि–२०७८ को दफा ७ अनुसार कार्य सम्पादन मूल्यांकनगरी अंक प्रदान गरिएको र प्राप्त अंकमा चित्त नबुझे ७ दिनभित्र निवेदन दिन भनिएको छ । कुनै स्थानीय तहको तथ्यांक गलत भएको भए एक साताभित्र समीक्षा गरी अन्तिम नतिजा सार्वजनिक गरिने आयोगका सूचना अधिकारी नारायणप्रसाद अधिकारीले जानकारी दिए ।
बुटवलस्थित लुम्बिनी प्रादेशिक अस्पताल न्यूनतम सेवा मापदण्ड मूल्याङ्कनमा नेपालमै प्रथम भएको छ । गत वर्ष ८० प्रतिशत अंक पाएको अस्पतालले यसपटक ८८ प्रतिशत अंकसहित पहिलो भएको हो ।
११४ वर्ष पुरानो अस्पतालको स्वास्थ्य तथा जनसंख्या मन्त्रालय, प्रदेश स्वास्थ्य निर्देशनालय लुम्बिनी प्रदेश र निक साइमन्स इन्सिच्यूटले संयूक्त रूपमा गरेको मूल्यांकन गरेका थिए । ‘सेकेण्डरी बी लेभल’ अस्पतालहरूको न्यूनतम सेवा मापदण्ड मूल्यांकनमा तेस्रोपटक प्रथम हुन सफल भएको स्वास्थ्य निर्देशनालयले न्यूनतम सेवा मापदण्ड मूल्यांकन समितिले जनाएको छ ।
अघिल्लो वर्ष ८८ प्रतिशत अंक प्राप्तगरी पहिलो बनेको प्रादेशिक अस्पतालले यो वर्ष थप अंक प्राप्त गरेको अस्पतालका मेडिकल सुपेरिटेन्डेन (मेसु) डा. सुदर्शन थापाले जानकारी दिए ।
अस्पतालको सेवा प्रवाहलाई थप प्रभावकारी र व्यवस्थित बनाउन नतिजाले प्रोत्साहन बढाएको मेसु थापाको भनाइ छ ।
भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...
दाङको तुलसीपुर उपमहानगरपालिका वडा नम्बर– १९ बिजौरीका २२ वर्षीय युवक प्रतीक पुनमाथि परिवारको ठूलो जिम्मेवारी थियो । दुवै मिर्गौला फेल भएर बाबा ताराप्रसाद पुनको एक वर्षअघि मृत्यु भएपछि लागेको ...
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो । जिल्ला प्रहरी कार्यालय जाजरकोटका ...
सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...
जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...
जेठ ६ गते नेपाल–चीनमैत्री मञ्चद्वारा आयोजित एक कार्यक्रममा नेपालका लागि चिनियाँ राजदूत छन सोङले नेपाल एक चीन नीतिमा प्रतिबद्ध रहेको बताउनुका साथै नेपालले कुनै पनि तत्त्वलाई चीनविरुद्धको गतिविधिमा लाग्न ...
नेपालमा भएका जनयुद्ध, जनआन्दोलन, मधेश आन्दोलन लगायतका आन्दोलनहरूको मूल आशय एकल जातीय एकात्मक राज्य संरचनालाई पुनर्संरचना गरी बहुलतामा आधारित समावेशी राज्य निर्माण गर्ने रहेको थियो । अर्थात्, जातीय उत्पीडन र आन्त...
एक दिन प्रातः भ्रमणमा गएको बेला कुनै एक सज्जनले सोधे– ‘कागहरू किन स्वतन्त्र हुन्छन् र सुगाहरू किन बन्धनमा पर्छन् थाहा छ ?’ मैले भनेँ– अहँ, थाहा छैन, भन्नुस् न किन त्यस्तो हुन्छ ?’ उत्त...