सरकारको न्यूनतम साझा नीति तथा कार्यक्रम निर्माणका लागि गठित कार्यदलले मस्यौदा तयार गरेको छ ।

शुक्रवार बसेको कार्यदलको बैठकले मस्यौदा तयार गरेको कार्यदल संयोजक एवं नेकपा (एमाले)का उपाध्यक्ष विष्णुप्रसाद पौडेलले जानकारी दिए ।

कार्यदलले मस्यौदालाई पूर्णता दिएर सुझावसहित शीर्ष नेताहरूलाई बुझाउने निर्णय गरेको हो । शीर्ष नेतालाई बुझाएपछि आवश्यक परेको खण्डमा उनीहरूले संशोधन गरेर पारित गरिने पौडेलको भनाइ छ ।

साझा कार्यक्रममा संविधानको रक्षा, आर्थिक विकास र समृद्धि, अर्थतन्त्रका चुनौती समाधान, आम मानिसहरूमा आशा र विश्वास जगाउने विषय छन् ।

यस्तै सार्वभौम सत्ता र स्वाधीनताको रक्षा गर्ने विषयलाई प्राथमिकतामा राखेको पौडेलले बताए ।