महरा अस्पताल भर्ना

सुन तस्करी प्रकरणमा पक्राउ परेका नेकपा माओवादी केन्द्रका उपाध्यक्ष एवम् पूर्व सभामुख कृष्णबहादुर महरा अस्पताल भर्ना भएका छन् । उनलाई सोमबार साँझ थापाथलीस्थित नर्भिक अस्पतालमा भर्ना गरिएको सीआईबीका प्रवक्ता तथा एसपी होविन्द्र बोगटीले बताए । 

काठमाडौं जिल्ला अदालतले उनलाई ४ दिन हिरासतमा राख्न प्रहरीलाई दिएपनि स्वास्थ्य खराब भएकाले अस्पतालमा बस्न दिन सीआईबीलाई आदेश दिएको थियो । महरा जोडिएको सुन तस्करी प्रकरणको अनुसन्धान सीआईबीले गर्दै आएको छ । महरा सोमबार बिहान रुपन्देहीबाट पक्राउ परेपछि काठमाडौँ ल्याएर अनुसन्धान अघि बढाइएको छ।