विश्व च्याम्पियन अर्जेन्टिनाले अन्तर्राष्ट्रिय मैत्रीपूर्ण खेलमा एल-साल्भाडोरलाई ३–० ले पराजित गरेको छ । अमेरिकाको फिलाडेल्फियामा शुक्रबार कप्तान लियोनल मेसी बिनै मैदानमा उत्रिएको अर्जेन्टिनाले साल्भाडोरलाई ३–० ले पराजित गरेको हो । मेसी ह्यामस्ट्रिङको चोटका कारण खेलबाट बाहिर थिए ।

१६औं मिनेटमा क्रिस्टियन रोमेरोले गोल गर्दै अर्जेन्टिनालाई अग्रता दिलाएका थिए । पहिलो हाफ सकिन तीन मिनेटअघि एन्जो फर्नान्डिसले नजिकबाट गोल गर्दै टोलीको अग्रता दोब्बर बनाए । दोस्रो हाफको सात मिनेटमा जिओभानी लो सेल्सोले खेलको तेस्रो तथा अन्तिम गोल गरे ।

अर्जेन्टिनाले बुधबार लस एन्जलसमा कोस्टारिकासँग अर्को मैत्रीपूर्ण खेल खेल्दैछ।