अन्तर्राष्ट्रिय मैत्रीपूर्ण फूटबल खेलमा विश्वविजेता अर्जेन्टिनाले जीतलाई कायमै राखेको छ । अर्जेन्टिनाले बुधवार कोस्टारिकालाई ३–१ गोल अन्तरले हराएर जीतको सिलसिला कायमै राखेको हो ।

अमेरिकाको लस एन्जलसमा भएको खेलमा अग्रता भने कोस्टारिकाले लिएको थियो । मनफ्रेड उगाल्डेले ३४ औँ मिनेटमा गोल गर्दै अर्जेन्टिनालाई स्तब्ध बनाएका थिए ।

तर अर्जेन्टिना दोस्रो हाफमा खेलमा फर्कियो । कप्तान एंगेल डी मारियाले फ्रिकिकमार्फत् गोल गर्दै खेल बराबरीमा ल्याए ।

त्यसपछि खेलको ५६ औँ र ७७ औँ मिनेटमा क्रमशः एलेक्सिस म्याक एलिस्टरले गोल थपेपछि अर्जेन्टिनाले ३–१ को जीत निकाल्यो । 

नियमित कप्तान लियोनल मेसीबिना नै मैदानमा उत्रिइरहेको अर्जेन्टिनाले यसअघि पनि एल साल्भाडोरलाई ३–० ले हराएको थियो । 

मेसी घाइते भएका कारण विश्राममा छन् । 

रोनाल्डोसहितको पोर्चुगल स्लोभेनियासँग पराजित