लिभरपुल शीर्ष स्थानमा उक्लिएको छ। गएराति सम्पन्न खेलमा शेफिल्ड युनाइटेडलाई ३–१ गोल अन्तरले पराजित गर्दै लिभरपुल इङलिस प्रिमियर लिगको शीर्ष स्थानमा उक्लिएको हो ।

लिभरपुलको जितमा डर्विन नुनेज, एलेक्सिस म्याक्स अलिस्टर र कोडी गाक्पोले एक/एक गोल गरे।​ शेफिल्डका लागि एक गोल लिभरपुलकै कोनोर बार्डलीले आत्मघाती गोल गरेका थिए ।

यो जितपछि लिभरपुलको ३० खेलमा ७० अंक भएको छ ।  दोस्रो स्थानमा रहेको आर्सनलको ३० खेलमा ६८ अंक छ भने तेस्रो स्थानमा रहेको म्यानचेस्टर सिटीको ३० खेलमा ६७ अंक रहेको छ।​

शेफिल्ड युनाइटेड भने ३० खेलमा केवल १५ अंक रहेको छ ।