दोस्रो एकदिवसीय खेलमा आयरल्याण्ड ‘ए’ले नेपाल 'ए'लाई १७५ रनको लक्ष्य दिएको छ । त्रिवि क्रिकेट मैदानमा टस हारेर पहिले ब्याटिङ गरेको आयरल्याण्ड ‘ए' ३८.४ ओभरमा १७४ रनमा अलआउट भएको हो । 

आयरल्यान्डका गाभिन होइले अर्धशतक बनाए ।  उनले सर्वाधिक ५० रन बनाए । लियम म्याकार्थीले ३५ रन थपे । कप्तान निल रकले ४५ र पेटर मुरले १७ रन बनाए ।

नेपालका साहब आलम र रिजन ढकालले तीन–तीन विकेट लिए । मौसम ढकालले दुई विकेट लिँदा कमलसिंह ऐरीले एक विकेट लिए । 

यसअघि एकदिवसीय शृंखलाको पहिलो खेलमा एविरुद्ध नेपाल ‘ए’ २१ रनले पराजित भएको थियो । आजको खेलपछि शृंखलाको अन्तिम खेल आउँदो आइतबार हुनेछ । 

यसअघि नेपाल ‘ए’सँगको ट्वान्टी–२० शृंखला आयरल्यान्ड एले २–१ ले जितेको थियो ।