पोखराको फेवातालमा डुंगा पल्टिँदा दुर्घटनामा परेकी एक महिलालाई सशस्त्र प्रहरीले सकुशल उद्धार गरेको छ ।

काठमाडौं महानगरपालिका- १७ सामाखुसी बस्ने २५ वर्षीया अग्नि देवकोटा बिहीबार तालमा खसेकोमा सशस्त्र प्रहरीको गोताखोर टोलीले सकुशल उद्धार गरेको हो । 

बाराहीघाटस्थित रेस्क्यु वाच टावरमा खटिएको  टोलीले उनलाई उद्धार गरी किनारमा ल्याएको थियो ।

ती महिलाको स्वास्थ्य अवस्था सामान्य रहेको सशस्त्र प्रहरीका सह-प्रवक्ता डीएसपी शैलेन्द्र थापाले जानकारी दिए ।